Qvatemalada yanğın nəticəsində ölən yeniyetmələrin sayı 32-yə çatıb. APA-nın “RİA Novosti”yə istinadən verdiyi xəbərə görə, bu barədə yerli Səhiyyə Nazirliyinin məlumatında bildirilir.
Qeyd edək ki, martın 8-də Qvatemalanın paytaxtında reabilitasiya mərkəzində yanğın baş verib.
Faciə zamanı həyatını itirən və xəsarət alanların hamısı 14-17 yaş arasında olan yeniyetmələrdir.
Hadisəyə mərkəzdə yaşayan yeniyetmələrdən birinin öz döşəyini yandırması səbəb olduğu ehtimal edilir.
