Milyonlarla insanın SONU, 2019-cu ildə ÇEVRİLİŞ PLANI... – GÜNÜN SİYASİ XÜLASƏSİ

Paylaş

Aprelin 22-də Rusiyanın Gümrüdə yerləşən 102-ci hərbi bazasında xidmət edən rus əsgərinin müəmmalı şəkildə qətlə yetirilməsi Ermənistan cəmiyyətində qorxular yaradıb. Əvvəlcə rus əsgərinin məişət zəminində qətlə yetirildiyi versiyası önə sürüldü.

Lakin cinayət işinin prokurorluqdan alınaraq, Ermənistan Milli Təhlükəsizlik Xidmətinə (SNB) verilməsi şübhələrə yol açıb. Bundan sonra ortaya versiya çıxdı ki, qətli törətməkdə şübhəli bilinən şəxs müsəlmandır və Gümrüyə məhz rus əsgərini öldürmək üçün gəlibmiş.

“Lragir” saytı yazır ki, qətlin arxasında hansısa xarici güclər ola bilər. Sayt 102-ci bazanın Ermənistana xarici müdaxilə təhlükəsini yaratdığını da qeyd edib. Bazanın Suriyanı bombalayan Amerikanın hədəflərindən biri olması istisna edilmir.

Amerika Ermənistanı bombalaya bilər – QİSAS SSENARİSİ

“Azərbaycan Moskva görüşünə təşəbbüs edərək, aydınlaşdırmaq istədi ki, Ermənistan əraziləri qaytarmağa hazırlaşırmı, ruslar İrəvanı razı sala bildimi?!”. Bu barədə erməni ekspert Stepan Qriqoryan aprelin 28-də Moskvada keçirilən Azərbaycan, Ermənistan və Rusiya xarici işlər nazirlərinin görüşünü şərh edərkən deyib.

Lakin erməni ekspert Ermənistanın niyə görüşə getdiyini dəqiq bilmədiyini qeyd edib. Onun sözlərinə görə, görüşlə bağlı yayılan rəsmi məlumatlar rəsmi dildir.

Məmmədyarovdan Lavrovu və Nalbandyanı susduran QARABAĞ SUALI: Moskva görüşündə BAŞ VERƏNLƏR

“Amerikalılar Qarabağda müharibəni alovlandırmaq istəyirlər, çünki bunun nəticəsində Rusiya zərər çəkə bilər”. Bu barədə “Beynəlxalq Avrasiya Hərəkatı”nın rəhbəri, Kremlin ideoloqu kimi tanınan politoloq Aleksandr Duqin deyib.

Onun sözlərinə görə, Qarabağda müharibə olacaqsa, Rusiya Ermənistanı dəstəkləməyəcək: “Lakin Azərbaycanın da Qarabağı qaytarması istisnadır. Rusiya bu münaqişədə konkret hansısa tərəfdən çıxış edə bilmir”.

Duqin dolayısı ilə Kremlin Qarabağla bağlı mövqeyini ifadə edib.

Kremlin ideoloqu Putinin Qarabağ planının ÜSTÜNÜ AÇDI: Bakını qəzəbləndirəcək ADDIM

ABŞ Rusiyanı qıcıqlandıra biləcək bölgələrdə lüzumsuz fəallıq göstərməməyə çalışır. Bunu ABŞ Dövlət katibinin Avropa və Avrasiya məsələləri üzrə keçmiş köməkçisi və ABŞ-ın Azərbaycandakı keçmiş səfiri Metyu Brayza deyib.

Rusiya, Azərbaycan və Ermənistan xarici işlər nazirlərinin ötən həftə Moskvada baş tutmuş görüşünü şərh edən ekspert bu görüşü “Moskva prosesi” adlandırıb.

Keçmiş səfirin sözlərinə görə, Donald Tramp hələlik Cənubi Qafqazla bağlı dəqiq siyasət hazırlamayıb və ABŞ-ın lüzumsuz fəallıqdan uzaq qaçmaq tendensiyası hələ Barak Obama administrasiyası dövründə formalaşmışdı: “Obamanın fikrincə, ABŞ dünyada həddən çox fəal siyasət aparırdı, ona görə də o, ABŞ siyasətini daha sakit məcraya yönəltməyə qərar vermişdi”.

“Türkiyədə yeni bir müxalifət çıxacaq. Bu müxalifəti 2019-cu ilə hazırlayırlar”. Bunu Ədalət və İnkişaf Partiyasının (AKP) İstanbuldan olan millət vəkili Mətin Külünk “Axşam” qəzetinə müsahibəsində deyib.

“Bu işin içində olan adamın adını da bilirəm”, - millət vəkili bildirib.

2019-cu ildə Ərdoğana qarşı 100 min... - Yeni ÇEVRİLİŞ PLANI

Türkiyə və Hindistan ikitərəfli ticarətdə milli valyutalara - türk lirəsi və hind rupisinə keçməklə dollardan imtina edə bilər. Bunu Nyu-Dehliyə səfəri zamanı Türkiyə prezidenti Rəcəb Tayib Ərdoğan bildirib.

“İxrac və idxal əməliyyatları milli valyutalarla aparıla bilər. Bu, iki ölkənin iqtisadiyyatına müsbət təsir edəcək”, - Ərdoğan deyib.

Xatırladaq ki, daha əvvəl Türkiyə və Rusiya ikitərəfli ticari hesablaşmalarda dollardan imtinanı müzakirə edib.

Hindistanda səfərdə olan Türkiyə prezidenti BMT-nin mövcud strukturuna növbəti dəfə qarşı çıxıb. O, dünyanın taleyinin 5 ölkənin (BMT Təhlükəsizlik Şurasının 5 daimi üzvü – ABŞ, Rusiay, Fransa, Çin və İngiltərə -red.) əlində olmasının ədalətsiz olduğunu deyib.

Onun mövqeyini Hindistanın baş naziri Narendra Modi dəstəkləyib.

Avropa İttifaqı islahatlar aparmasa, Fransa qurumu tərk edə bilər. Bunu Fransa prezidentliyinə namizəd, “İrəli!” hərəkatının lideri Emmanuel Makron BBC telakanalına müsahibəsində bildirib.

O deyib ki, “Ümumavropa ideyası” və qloballaşma məsələlərində Avropa İttifaqının siyasətini bölüşür, amma Fransa əhalisinin yarısı qurumun disfunksiyasına görə narahatdır.

“Hesab edirəm ki, Avropa İttifaqı dərin islahatlarla məşğul olacaq. Əks halda, Fransa tezliklə “Freksit” ehtiyacı ilə rastlaşacaq”, - siyasətçi vurğulayıb. Daha əvvəl isə prezident seçkilərində Makronun rəqibi, “Milli Cəbhə” Partiyasının Marin Le Pen qələbə qazanacağı halda Avropa İttifaqına üzvlük məsələsini referenduma çıxaracağını bildirib.

Qeyd edək ki, Fransada prezidentinin seçkilərinin ikinci turu mayın 7-də keçiriləcək. Aprelin 23-də keçirilən birinci turda Emmanuel Makron və Marin Le Pen ilk iki yeri tutaraq növbəti tura çıxıb.

Marin Le Pen isə Avropa İttifaqının Avropanın Müstəqil və Suveren Dövlətləri Alyansı ilə əvəz edilməsini təklif edib. “Mən avropalıyam. Mən Avropa İttifaqını istəmirəm. Ola bilsin ki, ona yeni ad tapa bilərik. Məsələn bu, Avropa Alyansı ola bilər. Avropa İttifaqının əsas problemi odur ki, o, artıq totalitar quruma çevrilib”, – deyə o bildirib.

Şimali Koreya nüvə proqramına son qoymayacağı halda bu ölkəyə hərbi müdaxilə edilə bilər. Bunu ABŞ prezidenti Donald Tramp CBS televiziyasına müsahibəsində deyib.

Tramp qeyd edib ki, Şimali Koreyanın nüvə sınaqlarını davam etdirməsi ABŞ-ı “çox da xoşbəxt” etməyəcək. Dövlət başçısı başlayacaq bir müharibə milyonlarla adamın ölə biləcəyi barədə xəbərdarlıq edib.

Çinlə ticarət sahəsində əməkdaşlığa yüksək əhəmiyyət verdiyini deyən Tramp Koreya böhranın həllində Pekinin rolunu xüsusi vurğulayb. “Şimali Koreya bəlkə də, ticarətdən daha əhəmiyyətli bir mövzudur. Bəli, ticarət əhəmiyyətlidir. Amma böyük bir müharibədə bəlkə də milyonlarla insan ölə bilər. Bu, ticarəti kölgədə qoya bilər”, - ABŞ prezidenti vurğulayıb.

Şimali Koreyanın hərəkətlərini “bir şahmat yarışı” adlandıran prezident ümid etdiyini bildirib ki, Çin Pxenyanı nüvə silahına sahib olmaq arzusundan imtina etməyə razı salacaq.

Əgər rəsmi Vaşinqton təhrikedici addımlarına davam etsə, Cənubi Koreyanın Busan limanına girən ABŞ atom sualtı qayıqlarını dəhşətli son gözləyir. Bu barədə Şimali Koreyanın “Xalqımızın vətəndaşları” xəbər portalında yazılıb.

Portalda yayımlanan məqalədə ABŞ-ın yavaş-yavaş müharibə ssenarisi hazırladığı və Şimali Koreyanın buna sərt savab verəcəyi qeyd olunub:

“ABŞ getdikcə savaş ssenarisini hazırlayır. Lakin onların sualtı qayıqları hər hansı yanlış hərəkətə yol versə, həmin qayıqlar və digər döyüş vasitələri bir anda ərimiş metal parçalarına çevriləcək”.

Şimali Koreya nüvə güclərinin inkişaf templərini maksimal həddə sürətləndirəcək. Bu haqda Koreya Xalq Demokratik Respublikası (KXDR) Xarici İşlər Nazirliyinin sözçüsü bildirib.

“Koreya Xalq Demokratik Respublikası və ABŞ arasında qarşıdurma yarım əsrdən çoxdur davam edir. Amma ABŞ-ın isteriyası heç vaxt belə səviyyəyə çatmayıb. Koreya yarımadasında vəziyyət heç vaxt olmadığı qədər nüvə müharibəsinə yaxındır”, - nazirliyin sözçüsü bildirib.

ABŞ prezidenti Donald Trampın “Rusiya ilə əlaqələri” barəsində araşdırma uğursuzluqla irəliləyir. Bu haqda ABŞ Konqresinin üzvü Maksin Uoters MSNBC kanalına müsahibəsində deyib.

Bununla belə o əmindir ki, sonda həqiqət yerini tapacaq. Bundan başqa, Uoters ABŞ prezidentinin Rusiya ilə “gizli sözləşmə”sinin sübut ediləcəyi halda onun impiçmentlə qarşılaşacağına şübhə etmir.

“Araşdırmalar davam etməlidir. Mən Nümayəndələr Palatasında araşdırmanın gedişatından narazıyam. “The Washington Post” nəşri və ABC telekanalının keçirdiyi sorğunun nəticələrinə görə, amerikalıların yalnız 42 faizi Rusiya haqqında araşdırmanın obyektiv keçiriləcəyinə inanır. Amma inanıram ki, biz həqiqəti tapacağıq”, - konqresmen vurğulayıb.

“Anadolu” agentliyinə açıqlamasında NATO qoşunlarının Avropadakı sabiq komandanı, amerikalı generalı Uesli Klark Yaxın Şərq regionunda yeni münaqişə ocaqlarının yaranacağı barədə xəbərdarlıq edib. Onun sözlərinə görə, İranın siyasətinə qarşı müqavimət göstərdiyi müddətdə regionda şiddət və qarşıdurmalar olacaq.

“Regionda yeni münaqişə ocaqları yaranacaq” - Amerikalı generaldan PROQNOZ

Rusiya Suriyada yeni hərbi baza yaradır. Rusiya KİV-inin yazdığına görə, Rusiya hərbi texnikası və hərbi qulluqçular Türkiyə ilə sərhəddə - Afrində görünüb. Məlumata görə, Rusiya kürd özünümüdafiə dəstələri ilə birgə baza yaradacaq.

Qeyd edək ki, Afrinə hazırda PYD (PKK terror təşkilatının Suriya qolu - red.) qüvvələri nəzarət edir. Təşkilatın Suriyanın şimalında yaratdığı kantonlardan biri burada yerləşir. Bir neçə gün əvvəl Türkiyə-Suriya sərhədinin bu hissəsində PYD döyüşçüləri ilə Türkiyə hərbçiləri arasında qarşıdurma baş verib.

Rusiya Suriyanın ərazisində gərginliyin azaldılması üzrə dörd zonanın yaradılması təklifi ilə çıxış edib. Bu haqda “RİA-Novosti” agentliyinə Suriya müxalifətindəki mənbə bildirib.

Moskva Suriyanın 4 yerə bölünməsini təklif etdi - MƏNBƏ

Ömər Dağlı