Azərbaycan yığmasının futbolçusunun çıxış etdiyi klubda baş məşqçi dəyişikliyi gerçəkləşib

Azərbaycan yığmasının futbolçusunun çıxış etdiyi klubda baş məşqçi dəyişikliyi gerçəkləşib
09:32 2 May 2017
70 İdman
Ölkə mətbuatı
A- A+

Bakı. 2 may. REPORT.AZ/ Azərbaycan millisinin futbolçusu Deniz Yılmazın çıxış etdiyi Türkiyənin "Bursaspor" futbol komandasında növbəti baş məşqçi dəyişikliyi gerçəkləşib.
"Report"un məlumatına görə, bu, Super Liqanın XXIX turunda "timsahlar"ın evdə "Qalatasaray"a 0:5 hesabı ilə uduzduğu görüşdən sonra baş verib. Mutlu Topçu mətbuat konfransında istefa verdiyini açıqlayıb. Qalan 5 turda baş məşqçi səlahiyyətləri aşağı yaş qruplarına cavabdeh olan Adnan Örnekə həvalə olunub. "Qalatasaray"la görüşdə Yılmaz "18-liy"ə daxil edilməyib.
Türkiyə mətbuatı "Bursaspor" rəhbərliyinin bu həftə Azərbaycan milli komandasının baş məşqçisi Robert Prosineçki ilə görüşəcəyini yazıb. Xorvatiyalı mütəxəssisin növbəti mövsümdən "timsahlar"ın sükanı arxasına keçəcəyi yenidən iddia olunur.
Qeyd edək ki, Mutlu Topçu "Bursaspor"a yanvarın 30-da baş məşqçi təyin olunmuşdu. Hazırda bu klub 35 xalla 13-cü pillədədir. 

Xəbərin orijinal ünvanı: https://report.az/futbol/azerbaycan-yigmasinin-futbolcusunun-cixis-etdiyi-klubda-bas-mesqci-deyisikliyi-gerceklesib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR