İŞİD Mosul şəhər xəstəxanasındakı dərman preparatlarını yararsız hala salıb.

Metbuat.az xəbər verir ki, görüntülər İraq hərbi qüvvələrinin İŞİD-in Mosuldakı mövqelərinə qarşı yeni hücuma başladığı zaman ortaya çıxıb.

Qeyd edək ki, İraqın ikinci ən böyük şəhəri Mosul İŞİD-in ölkədəki son dayağı hesab olunur.

ABŞ-ın rəhbərlik etdiyi koalisiya qüvvələrinin hava zərbələri nəticəsində artıq Dəclə çayının üzərindəki son körpü istifadəyə yararsız vəziyyətə düşüb. 7 aydır ki, davam edən əməliyyatlar nəticəsində İŞİD liderinin sığındığı məscid də artıq boşdur.

Ciddi müqavimətlə üzləşən İŞİD İraq əsgərlərinə qarşı bomba yüklü avtomobillərdən istifadəyə başlayıb. Nəticədə 9 İraq polisi ölüb. Terrorçular minlərlə dinc sakini girov saxlayır.

Xatırladaq ki, Mosul 2014-cü ilin iyun ayından etibarən İŞİD-in nəzarətinə keçib.

Aytən Novruzova / Metbuat.az