Hollivudun ən seksual aktrisalarından biri olaraq qəbul edilən Skarlett Yohansson qadınların intim mövzularda açıq şəkildə danışmasının birmənalı qarşılanmamasına etiraz edib.
Publika.az xarici mətbuata istinadən xəbər verir ki, “Cosmopolitan” jurnalının bu aykı buraxılışı üçün kamera qarşısına keçən 32 yaşlı amerikalı ulduz seks haqqında danışan qadınların damğalanmasından məmnun olmadığını deyib. O, açıqlamasında "Seks haqqında danışmaq qadınlara az qala yasaq olub. Qadınlar seks arzularını nümayiş etdirdiyi zaman kişilər tərəfindən onlara yüngül, ya da əxlaqsız etiketi yapışdırılır", - deyə cavab verib.
