"AİZ-lərin yaradılması ölkənin iqtisadi cəhətdən güclənməsində mühüm rol oynayacaq"

"AİZ-lərin yaradılması ölkənin iqtisadi cəhətdən güclənməsində mühüm rol oynayacaq"
08:05 5 İyun 2017
64 Ölkə
Ölkə mətbuatı
A- A+

"Prezident İlham Əliyevin imzaladığı sərəncam Azərbaycanda azad iqtisadi zonaların yaradılması işini sürətləndirəcək. Azad iqtisadi zonaların (AİZ) yaradılması ixracyönümlü məhsulların istehsalı prosesi sürətlənəcək, ölkənin ixrac potensialını artıracaq, həmçinin ölkəyə xarici valyuta axınında, ümumilikdə isə Azərbaycanın iqtisadi cəhətdən güclənməsində mühüm rol oynayacaq".

Bunu Milli.Az-a açıqlamasında Prezident İlham Əliyevin Azərbaycanda azad iqtisadi zonalar yaradılması işinin sürətləndirilməsi haqqında imzaladığı sərəncamın əhəmiyyətini şərh edən Milli Məclisin İqtisadi siyasət, sənaye və sahibkarlıq komitəsinin üzvü Azər Badamov bildirib.

İlham Əliyev Azərbaycanda azad iqtisadi zonalar yaradılması işinin sürətləndirilməsi haqqında sərəncam imzalayıb

Millət vəkilinin fikrincə, bu addım ölkədə iqtisadiyyatın inkişafına növbəti töhfə olacaq: "AİZ-lər yaradılanda orada müəyyən güzəştlər nəzərdə tutulur. Həmin zonada təqdim olunan məhsullar, mallar xarici ölkələr tərəfindən müəyyən güzəştlərlə alınacaq. AİZ-lərin yerli sahibkarlara xeyiri o olacaq ki, burada yerli məhsullar istehsal edib onları xarici bazarlara yönəldə biləcəklər.

Azərbaycanda geniş miqyaslı iqtisadi islahatlar aparılır. Cənab prezident İlham Əliyev ötən ilin dekabr ayında iqtisadiyyatın əsas prioritet istiqamətləri üzrə Strateji Yol Xəritələrini imzalayıb. Artıq həmin Yol Xəritələrinin icrasına başlanılıb. Genişmiqyaslı bu iqtisadi proseslər özündə ayrı-ayrı iqtisadi sahələrin inkişafı ilə yanaşı azad iqtisadi zonaların yaradılmasını da ehtiva edir. Artıq AİZ-lərin yaradılması müasir dövrdə əsas prioritetlərdən biridir. Çünki artıq iqtisadiyyatın bəzi sahələri təşəkkül tapır. Digər sahələrin də inkişafı etməsi və Azərbaycan məhsullarının xaricə ixrac olunması üçün AİZ-lərin yaradılması prosesi də sürətlənməlidir. Cənab prezidentin bu istiqamətdə sərəncam imzalaması isə ölkə iqtisadiyyatının inkişafına növbəti töhfə olacaq". 

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində


Xəbərin orijinal ünvanı: http://news.milli.az/country/550747.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR