Ötən gecə paytaxtda “Mercedes” markalı mikroavtobus, Xaçmaz rayonunda isə “MAN” markalı yük avtomobili yanıb.
Fövqəladə Hallar Nazirliyindən (FHN) Metbuat.az-a verilən məlumata görə, Bakı şəhəri, Nizami rayonunda “Mercedes” markalı mikroavtobusun salonunda idarəetmə lövhəsi yanıb. Mikroavtobusun qalan hissəsi yanğından mühafizə olunub. Yanğın saat 06:10-da yanğınsöndürənlər tərəfindən söndürülüb.
Xaçmaz rayonu, Xaçmaz-Xudat yolunun 4-cü kilometrliyində isə vətəndaşa məxsus “MAN” markalı yük avtomobilinin kabina hissəsi yanıb. Avtomobilin qalan hissəsi yanğından mühafizə olunub. Yanğın saat 06:53-də yanğınsöndürənlər tərəfindən söndürülüb.