Azərbaycan, Bakı, 8 yanvar /Trend/
Parisin cənubunda bu gün baş verən atışmada yaralanmış polis əməkdaşı aldığı xəsarətlərdən ölüb. Bu barədə Trend RİA Novosti-yə istinadən xəbər verir.
Məlumata görə, Paris ətrafında atışma yerli vaxtla saat 08:00 radələrində baş verib. Naməlum şəxs avtomat silahdan polis əməkdaşına və yol xidməti işçisinə atəş açıb, daha sonra hadisə yerindən qaçıb.
Fransa polisi bu hadisənin ötən gün Parisdə “Charlie Hebdo” satirik həftəliyinin redaksiyasında baş verən terror aktı ilə hər hansı bir əlaqəsinin olduğunu qəti şəkildə inkar edir.
Məqalə müəllifi ilə əlaqə ünvanı: agency@trend.az
