Bakı-Şamaxı yolu: 7 yerüstü piyada keçidi inşa olunur - FOTOLAR

Bakı-Şamaxı-Yevlax avtomobil yolunun 27-100-cü km-lik hissəsində vətəndaşların avtomobil yolunu rahat və təhlükəsiz şəraitdə keçməsini təmin etmək məqsədi ilə “Azəravtoyol” ASC tərəfindən 7 yerüstü piyada keçidi inşa edilir.

ASC-dən Metbuat.az-a verilən məlumata görə, işlər yüksək keyfiyyətlə və texnoloji ardıcıllığa riayət edilməklə aparılır.

Yeni yerüstü piyada keçidlərindən biri yolun Qaradağ rayonu Müşviqabad qəsəbəsindən keçən hissəsində, digərləri isə Qobustan rayonunun ərazisində yerləşir.

Keçidlər yerləşdiyi yerlər:

1. 27.3-cü km, Qaradağ rayonu Müşviqabad qəsəbəsi,

2. 56.7-ci km, Qobustan rayonu Cəngi kəndi,

3. 79.2-ci km, Qobustan rayonu Şıxzahırlı kəndi,

4. 86.1-ci km, Qobustan rayonu Arabu kəndi,

5. 91.7-ci km, Qobustan rayonu Nərimankənd kəndi,

6. 92.7-ci km, Qobustan rayonu,

7. 99-cu km, Qobustan rayonu.

Bütün piyada keçidləri 2 aşırımlı, üstü açıq və metal konstruksiyadan ibarətdir, yer səthindən hündürlükləri 5.5 metr, qalereyasının eni isə 3 metr təşkil edir, pilləkən hissə ilə bərabər uzunluqları 35.5-46.7 metr arası dəyişir.

Bakı-Şamaxı-Yevlax avtomobil yolunun Cəngi kəndi ərazisində yerləşən piyada keçidinin inşası artıq yekunlaşaraq vətəndaşların istifadəsinə verilib, digər ərazilərdə isə işlər yekunlaşmaq üzrədir.

Piyada keçidlərinin inşası ilə bağlı görülən işlər tamami ilə yekunlaşdıqdan sonra ətrafında abadlıq işlərinin aparılması, avtobus dayanacaqlarının qoyulması və sərnişin avtobuslarının ümumi hərəkətə maneə yaratmadan dayanacaqlara giriş-çıxışını təmin etmək üçün xüsusi “cib”li hissələrin yaradılması və zəruri yol nişanlarının quraşdırılması nəzərdə tutulub.

Qeyd edək ki, Bakı-Şamaxı-Yevlax avtomobil yolunun 1-ci texniki dərəcəyə uyğun olaraq 2 hərəkət zolağından 4 hərəkət zolağına genişləndirilən 23-101-ci km-lik hissəsində 9 yerüstü piyada keçidindən əlavə, 19 yeraltı keçidin də inşası aparılır.

Hərracın nəticələri - AÇIQLANDI - Oxumaq üçün tıkla

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR