Məlumata görə, bu kampaniyadan Bankın həm köhnə, həm də yeni "Bolkart" sahibləri faydalana bilər.
Kampaniya şərtlərinə əsasən, kart sahibi balansındakı məbləğin hamısını, yəni tam 100%-ni nağdlaşdırma imkanına malik olacaq.
Nağdlaşdırma üçün yeni “Bolkart” kredit kartlarında 1%, köhnə “Bolkart” kartlarında isə 4% komissiya nəzərdə tutulub. Məsələn, köhnə “Bolkart” kredit kart sahibi 1 000 manat nağdlaşdırma etsə və 10 noyabra qədər onu geri qaytarsa, əlavə heç bir faiz ödəməyəcək. Sadəcə 4% nağdlaşdırma komissiyası nəzərə alınmaqla ümumilikdə 1 040 manat ödəniş edəcək.
Yeni “Bolkart” kredit kartları ilə 1 000 manat nağdlaşdırma etdikdə, geri ödəniləcək əsas borc məbləği 1% nağdlaşdırma komissiyası ilə birlikdə 1 010 manat təşkil edəcək.
“Bolkart Gənc”, “Bolkart Ailə”, “Bolkart Gold” və “Bolkart Diamond” kartları üzrə ödəniş şərtləri və nağdlaşdırılan vəsaitə faizlərin hesablanması haqqında daha ətraflı məlumatları http://bolkart.az/ saytından öyrənmək olar.
Sentyabrın 3-dək davam edəcək kampaniyadan Bankın yalnız müsbət kredit tarixçəli müştəriləri faydalana biləcəklər.
