Məğlubiyyətə görə dəhşətli QİSAS, 2050-ci ilə qədər MÜHARİBƏ... – GÜNÜN SİYASİ XÜLASƏSİ

Paylaş

Ermənistan-Rusiya vahid hava hücumundan müdafiə sisteminə Ermənistanın Baş Qərargah rəisi Movses Akopyan rəhbərlik edəcək. Bunu Ermənistan parlamentində çıxışı zamanı Ermənistan Müdafiə nazirinin müavini Artak Zakaryan söyləyib. Nazir müavini deputatlardan birinin “bu sistem rus sülhməramlılarının Qarabağa gətirilməsinə səbəb olacaqmı?” sualına “yox” cavabı verib:

“Vahid hava hücumundan müdafiə sistemi haqqında müqavilə Dağlıq Qarabağın müdafiəsinə aid deyil. Yəni onun Dağlıq Qarabağa aidiyyəti yoxdur. Bu müqavilə yalnız Ermənistanın dövlət sərhədlərinə aiddir. İndiki şəraitdə Ermənistanla əməkdaşlıq Rusiya üçün sərfəlidir. Bizim üçün də bu sərfəlidir”.

Amerikalı senatorlar Türkiyəyə görə təcili toplantı keçiriblər. Buna səbəb Türkiyənin Rusiyadan S-400 raketlərini alması olub.

Amerikalı senatorlar bu vəziyyətdən narahat olduqlarını bildiriblər. Demokratlar ABŞ-ın müttəfiqi Türkiyənin bu addımının “Rusiya-İran-Şimali Koreyaya qarşı sanksiyalar” qərarının 231-ci maddəsinə uyğun gəlmədiyini qeyd ediblər.

İŞİD terror qruplaşmasının lideri Əbubəkd əl-Bağdadi aldığı məğlubiyyətlərə qisas olaraq Böyük Britaniya və başqa Avropa ölkələrinə qarşı terror hücumlarının yeni dalğasını hazırlayır. Bu haqda Şimali İraq kürd muxtariyyətinin anti-terror güclərinin yüksək vəzifəli nümayəndəsi Lahur Tələbaniyə istinadən “Teleqraf” qəzeti yazıb.

Avropaya qanlı hücumlar hazırlanır - Qisas MÜHARİBƏSİ

Rusiya Tu-154 tipli nəqliyyat təyyarələri ilə xüsusi təyinatlı dəstələrini Suriyanın Lazkiya bölgəsindən paytaxt Dəməşqə köçürür. Xüsusi təyinatlı qüvvələrinin paytaxt Dəməşqdən İŞİD-lə şiddətli döyüşlərin getdiyi Deyr əz-Zor bölgəsinə göndəriləcəyi ehtimal olunur.

Rusiya Liberal Demokrat Partiyasının (RLDP) sədri Vladimir Jirinovski Avropada genişmiqyaslı müharibələrdən xəbər verib. “Rossiya 1” telekanalının “Vladimir Solovyovla axşam” proqramının qonağı olan siyasətçi dünyanın müharibələrə doğru getdiyini bildirib.

Jirinovski daha sonra potensial qaynar nöqtələri sadalamağa başlayıb.

“Avropada iki cəbhə var: Balkanlar və Ukrayna. Nə üçün Ukrayna? Müharibəni təhrik etmək üçün o bizim sərhədlərimizə daha yaxındır”, - Jirinovski qeyd edib.

Partiya sədri həmçinin vurğulayıb ki, Polşa ərazisində partizanların rusları sıxışdırması nəticəsində müharibə başlayacaq.

Jirinovskinin proqnozuna görə, belə müharibələr 2020-2025-ci illərdə baş verəcək.

“2050-ci ilə qədər bu cəbhələr tam işləyəcək. Yüz milyonlarla insan həlak olacaq”, - Jirinovski yekunlaşdırıb.

Xatırladaq ki, siyasətçi daha əvvəllər Avropa İttifaqını təhdid edərək avropalıları nüvə zərbələri ilə məhv etməyə söz verib.

Rusiya Xarici İşlər nazirinin müavini Mixail Boqdanov Moskvada İraqın Antiterror Xidmətinin rəhbəri Talib Kənani ilə görüşüb. Görüşdə Boqdanov Rusiyanın İraqın ərazi bütövlüyünü dəstəklədiyini bildirib. Nazir müavini həmçinin İraqın daxili işlərinə xaricdən müdaxilənin doğru olmadığını vurğulayıb.

Qeyd edək ki, sentyabrın 25-də Şimali İraq kürd muxtariyyətində müstəqilliklə bağlı referendumun keçirilməsi planlaşdırılır.

ABŞ-ın dövlət katibi Reks Tillersonun istefası haqqında şayiələrin yeni dalğası yaranıb. “Foreign Policy” nəşrinin məlumatına görə, Tillersonu bu postda ABŞ-ın BMT-dəki daimi nümayəndəsi Nikki Heyli əvəz edə bilər.

Nəşr bu barədə Dövlət Departamentinin indiki və keçmiş məmurlarına istinadən yazıb. Bildirilir ki, Tillerson son zamanlar Şimali Koreyanın raket sınaqları ətrafında yaranan vəziyyətə reaksiya vermir. Amma Heylinin bu hadisələrlə əlaqədar Vaşinqtonun mövqeyini daha fəal səsləndirdiyi deyilir.

Bundan başqa, ABŞ-ın BMT-dəki daimi nümayəndəsi İran barəsində də fəal fikirlərlə çıxış edir.

Qeyd edək ki, Tillersonun dövlət katibi postunu tərk edə biləcəyi barədə iddialar daha əvvəllər də səslənib.

Tramp Tillersonu postundan kənarlaşdırır

Rusiyanın ABŞ-dakı diplomatik nümayəndəliklərinin fəaliyyəti ilə bağlı yeni məhdudiyyətlərə cavab üçün Moskvada bir çox variant var. Bunu Rusiyanın ABŞ-dakı keçmiş səfiri Sergey Kislyak bildirib.

Diplomatın fikrincə, cavab variantlarının tətbiqindən əvvəl yaranmış vəziyyətə dəqiq baxmaq lazımdır.

“Əminəm ki, öz addımlarımızı sakitcə müəyyən edəcəyik və hansısa cavab hərəkətlərinə təşəbbüs edəcəyik. Bunun üçün variantlar çoxdur”, - diplomat deyib.

Moskva və Vaşinqtonun əməkdaşlıq üçün perspektivlərə malik olduğunu deyən diplomat həmçinin vurğulayıb ki, ABŞ daha mütləq hökmranlıq üçün imkanlara malik deyil.

ABŞ-ın dünya hökmranlığı başa çatdı: Rusiyadan cavab VARİANTLARI

“ABŞ Koreya yarımadasında sülh istəyən beynəlxalq cəmiyyətin iradəsinə məhəl qoymur. Vaşinqtonun yalnız bir hədəfi var: müharibə”. Bunu jurnalistlərə Vladivastokda keçirilən Şərq İqtisadi Forumunda Koreya Xalq Demokratik Respublikasının (KXDR) nümayəndə heyətinin başçısı Kim Yon Ce söyləyib:

Onun sözlərinə görə, Pxenyan ABŞ-ın sanksiyaları və KXDR-ə təzyiq cəhdlərinə güclü əks-tədbirlərlə cavab verəcək.

“Atom silahına malik olduğumuzu unutmasınlar!” - ABŞ-a TƏHDİD

Rusiya Donbasda “Qarabağ layihəsi”ndən artıq istifadə etməyəcək. Bunu Rusiya mətbuatına açıqlamasında rusiyalı məşhur terrorçu, Donbas separatçılarının keçmiş “müdafiə naziri” İqor Strelkov söyləyib.

“Novorusiya” layihəsi 2014-cü ildə dəfn edilsə də, Moskva bundan uzun zaman ərzində bəhs etməyib. Bundan sonra “Böyük Dnestryanı” layihəsi ortaya atıldı, amma hökumət bu məsələdə də susdu. Bu layihəyə əsasən, Novorusiya və Ukraynadan tam imtina edilir, Krım isə Donbasla mübadilə olunur. Ən son layihə isə Qarabağ müharibəsi tipində konflikti dondurmaq idi. Bu layihə isə maydan sentyabra qədər keçərli olub. Deyirdilər ki, konflikt dondurulacaq, Donbasda hər şey Qarabağdakı kimi olacaq. Bu gün Putin BMT sülhməramlılarını Donbasa çağırmaqla onu da dəfn etdi. Moskva burada artıq Yuqoslaviya variantını işə salıb, yəni o öz gələcəyi haqqında düşünməyə başlayıb”, – deyə o bildirib.

Belarus-Rusiya “Qərb-2017” birgə hərbi təlimləri Moskva tərəfindən genişmiqyaslı müharibəyə hazırlıqdır. Bunu Ukrayna prezidenti Pyotr Poroşenko Ali Radaya illik müraciətdə deyib.

“Təlimlərin kontinental miqyaslı hücum müharibəsinə hazırlıq olduğuna dair sübutlar çoxdur”, - Poroşenko bildirib.

Qeyd edək ki, Qərb nəşrləri “Qərb-2017” (sentyabrın ortalarında keçiriləcək - red.) hərbi təlimləri ilə əlaqədar NATO, ABŞ və Rusiyanın hərbi gücünün döyüş və operativ imkanlarını müqayisə etməyə başlayıb.

Rusiya genişmiqyaslı müharibəyə hazırlaşır - Prezident AÇIQLADI

Pyotr Poroşenko söyləyib ki, Ukraynada islahatlar başa çatmadan öz dövlətçiliyini itirə bilər. “Ən pis ssenari Ukraynada islahatlar başa çatmadan bizim öz dövlətçiliyimizi itirməyimiz ola bilər. Mən buna imkan verməyəcəm. Optimist ssenari isə uğurlu Avropa Ukraynası yaratmaqdır. Qələbə isə bizim çağırışları doğru dəyərləndirib, onlara cavab verməyimizdən asılıdır”, – deyə o bildirib.

Myanmanın Arakan ştatında müsəlmanların qətliamına fətva verən buddist ruhani lider öldürülüb. Xarici media xəbər verir ki, ruhani lider dünən səhər saatlarında çeçen mücahidləri tərəfindən mühafizəçiləri ilə birlikdə qaçırılıb. Xəbərə görə, öldürülən ruhani liderin gözləri də çıxarılıb.

Xatırladaq ki, daha əvvəl Çeçenistan başçısı Ramzan Kadırov Rusiya KİV-i fəaiyyətsizlikdə ittiham edib: “Avropada hardasa partlayış olanda bizim şərəfli KİV dərhal reaksiya verir. Amma üç günə bir neçə min adam öldürülür, hamı susur”.

O həmçinin qeyd edib ki, Myanmaya “ordu yeritmək” barədə tez-tez müraciətlər alır. Kadırov vurğulayıb ki, bu, onun səlahiyyətində deyil və təkbaşına belə qərar verə bilməz. Lakin onu da əlavə edib ki, Rusiya Myanmada “cinayətlər törədən” “şeytanlar”ı dəstəkləsə, Rusiyanın bu mövqeyinə qarşı çıxacaq.

Ömər Dağlı