Hazırda sahibkarlara verilən güzəştli kreditlərin tam həcmi əvvəllər verilmiş və qaytarılmış kreditlər hesabına təşkil edilir. İlin sonuna qədər kreditləşmənin tam həcmdə təmin edilməsi nəzərdə tutulur.
Bu barədə Metbuat.az-a açıqlama verən Milli Məclisin deputatı Vahid Əhmədov bildirib ki, sahibkarların güzəştli kreditlərlə təmin edilməsi ilə bağlı Dövlət büdcəsindən 2017-ci ildə vəsait ayrılıb:
“Orada məbləğlə bağlı heç bir problem yoxdur. Kifayət qədər kredit vermək imkanı var. Hər ay faktiki olaraq kreditlər verilir və müəyyən işlər görülür. Əsas kreditlər qeyri-neft sektorunun inkişafı üçün istifadə edilir. Çünki Cənab Prezidentin göstərişinə uyğun olaraq, Strateji Yol Xəritəsinə əsasən, o kreditlər qeyri-neft sektoru üçün istifadə edilir. Hazırda bununla bağlı kifayət qədər vəsait var”.
Xəyalə Məmmədova / METBUAT.AZ
Yol polisi sürücülərə XƏBƏRDARLIQ etdi - DİQQƏT! – OXUMAQ ÜÇÜN TIKLAYIN!
