UEFA Çempionlar Liqasında çıxış edən üç klubu cəzalandırıb.
Milli.Az apasport.az-a istinadən xəbər verir ki, UEFA-nın Nizam İntizam Komitəsi PSJ, "Seltik" və "Bazel"lə bağlı qərarını açıqlayıb.
Qrup mərhələsinin I turunda PSJ-yə 0:5 hesabı ilə uduzan "Seltik" 10 min avro ödəməli olacaq. Bu cərimə meydana kənar şəxslərin daxil olması üzündən verilib. Kresloları sındırmaqda günahkar bilinən Fransa klubu isə şotlandiyalılardan iki dəfə az - 5 min avro ziyana düşüb.
"Mançester Yunayted"lə ilk turun görüşündə pirotexniki vasitələrdən yararlanan "Bazel" fanatları da komandalarını xərcə salıb. Öz meydanında 0:3 hesabı ilə uduzan isveçrəlilər 12 min avro ödəməlidi.
Milli.Az
Digər maraqlı xəbərlər Milli.Az-ın Facebook səhifəsində