Ötən axşam "Maşın" şounun finalçılarına dəstək olmaq üçün dəvət edilən sənətçilər sırasında Namiq Qaraçuxurlu da olub.
Milli.Az xəbər verir ki, verilişin əvvəlindən aparıcı Murad Dadaşovun "Hər dəfə dəvət etsəm də, gəlməyən, burada görmək istədiyim bir qonağımız birazdan bizlə bərabər olacaq" anonsunu aid etdiyi Namiq ifası ilə Talıb və Xatuna dəstək olub. Namiq Qaraçuxurlunun ifası bitən kimi Murad: "Fürsətdən istifadə edib, Namiq Qaraçuxurlunu növbət "Maşın" şouya dəvət edirəm", - deyib.
Namiqi Murad Dadaşovun təklifinə "İnşallah, mütləq gələcəm, bir mahnı oxuyub, gedəcəm" sözləri ilə cavab verib.
Məhəmməd Vaqif
Milli.Az