ANAMA mütəxəssisləri iraqlı həmkarlarına təlim keçəcəklər

15:37 6 Aprel 2015
70 Sosial
Ölkə mətbuatı
A- A+

[ 06 Aprel 2015 16:34 ]


Bakı. Ağa Cəfərli - APA. İraq Ətraf Mühit Nazirliyinin Mina İşləri İdarəsinin nümayəndə heyəti Azərbaycan Ərazilərinin Minalardan Təmizlənməsi üzrə Milli Agentliyin (ANAMA) Füzuli rayonunda yerləşən Horadiz bazasına səfər edib.

 

ANAMA-nın mətbuat xidmətindən APA-ya verilən məlumata görə, qonaqlara aparılan əməliyyatlar barədə məlumat verilib.

 

Onlar mexaniki vasitələr və minaaxtaran itlərin saxlanma şəraiti, habelə ANAMA-nın Göygöl Regional Təlim Bazasında minaaxtarma avadanlıqları və tədris imkanları ilə tanış olublar.

 

İraq nümayəndə heyəti həmçinin ANAMA-nın əsas ofisində olub, agentliyin direktor müavini Qəzənfər Əhmədovla görüşüblər. Əməliyyatlar və təlim imkanları mövzusunda müzakirələr, eyni zamanda ANAMA ilə İraq Respublikası Mina İşləri İdarəsi arasında əməkdaşlıq sahələrinə dair danışıqlar aparılıb.

 

Gələcəkdə ANAMA tərəfindən İraqın Ətraf Mühit Nazirliyinin Mina İşləri İdarəsinin heyətinə təlimlərin keçiriləcəyi gözlənilir. 


Xəbərin orijinal ünvanı: http://az.apa.az/news/378580

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR