Bakı. 29 yanvar. REPORT.AZ/ Azərbaycan milli komandasının sabiq baş məşqçisi Robert Prosineçki Bosniya və Herseqovina yığmasının sükanı arxasında ilk oyununa çıxıb. "Report" xəbər verir ki, rəqib ABŞ yığması olub.
Los-Ancelesdə keçirilmiş qarşılaşma qolsuz yekunlaşıb - 0:0. Bu görüşdə "Qarabağ"dan dəvət almış qapıçı İbrahim Şehiç start heyətində meydana çıxıb. O, görüşü əvəz olunmadan keçirib.
Qeyd edək ki, Bosniya və Herseqovina millisinin növbəti oyunu yanvarın 31-də Meksikaya qarşı olacaq.