Bakı. 13 fevral. REPORT.AZ/ Birləşmiş Millətlər Təşkilatının normalarına uyğun olaraq, Venesuela borcları səbəbindən BMT Baş Assambleyası çərçivəsində səsvermə hüququndan müvəqqəti olaraq məhrum edilib.
"Report" "RİA Novosti"yə istinadən xəbər verir ki, 2018-ci ilin yanvar ayının sonuna olan borcluların siyahısında Venesuela ilə yanaşı, Mərkəzi Afrika Respublikası, Dominika, Ekvatorial Qvineya, Qrenada, Liviya, Surinam və Yəmən də yer alıb.
Qeyd edək ki, Venesuela daha əvvəl də - 2017-ci ildə BMT-də səsvermə hüququndan məhrum edilib.