Bakı. 16 fevral. REPORT.AZ/ Mədəniyyət və turizm naziri Əbülfəs Qarayev Göyçay şəhərində vətəndaşları qəbul edəcək.
Nazirliyin İnformasiya və ictimaiyyətlə əlaqələr şöbəsindən "Report"a verilən məlumata görə, Ə.Qarayev fevralın 23-də saat 11:00-da Göyçay şəhərində Heydər Əliyev Mərkəzində (Heydər Əliyev prospekti 98) Ağdaş, Göyçay, Ucar və Zərdab rayonlarından olan vətəndaşlarla görüş keçirəcək.
Vətəndaşlar Nazirliyin mct@mct.gov.az elektron poçt ünvanı, e-services. mct.gov.az elektron xidmətlər saytı, telefon məlumat sistemi (qaynar xətt): 147 və ya (012) 493-55-21 nömrəli telefon vasitəsilə (əlaqələndirici şəxs Pərviz İsgəndərli) qəbula yazıla bilərlər.
Qəbula gəlmək istəyən vətəndaşların həmçinin aşağıda qeyd olunmuş əlaqələndirici şəxslərə müraciət etmələri xahiş olunur.