Azərbaycan Prezidenti İlham Əliyev Bakıda Novruz
münasibətilə ümumxalq şənliyində çıxışı zamanı işğalçı Ermənistana
sərt mesajlar göndərib. Rusiyada keçirilən prezident seçkilərinin
nəticələri gözlənilən olub.Böyük Britaniyanın Avropa
İttifaqından çıxışından sonra keçid dövrü 21 ay təşkil edəcək.ABŞ-ın kəşfiyyat idarələri Şimali Koreya ilə informasiyanın
ötürülməsi mümkün olan qeyri-rəsmi əlaqəni
qurublar.
İndiki Ermənistanın böyük hissəsi Azərbaycanın
tarixi torpağıdır. Bunu Azərbaycan Prezidenti İlham
Əliyev Bakıda Novruz münasibətilə ümumxalq şənliyində çıxışı zamanı
bildirib.
İlham Əliyev: "İndiki Ermənistanın böyük hissəsi Azərbaycanın tarixi torpağıdır" - YENİLƏNDİ
Ermənistanın tam təcridi çox ciddi və mənf nəticələr
gətirə bilər. Bunu Ermənistanın “Birinci informasiya”
saytı ilə söhbətində Gürcüstanın “Alik Media” nəşrinin baş
redaktoru Arsen Xaratyan bildirib.
Onun sözlərinə görə, yaxın gələcəkdə Ermənistan böyük regional
layihələrdə iştirak etmək imkanlarından məhrum olacaq. Ötən həftə
Azərbaycan, Türkiyə, İran və Gürcüstan xarici işlər nazirlərinin
Bakıda Cənub-Qərb nəqliyyat dəhlizinin yaradılması məsələsini
müzakirə etdiklərini xatırladan Xaratyan vurğulayır ki, yalnız bu
dördtərəfli görüşə diqqət yetirməmək lazımdır.
“Həm də avropalılarla başqa razılaşmalar var. İran malları
Qərbə, Qərb malları isə İrana göndəriləcək. Biz Şimal-Cənub
dəhlizini sonuna kimi çatdırmağa vaxt tapmadıq. Ermənistanın tam
təcridi çox ciddi və mənfi proseslərlə nəticələnə bilər. Ermənistan
İran kimi böyük ölkə üçün kiçik bazardır, amma tranzit
nöqteyi-nəzərindən tarazlaşdırılmış münasibətlər mümkündür.
Məsələn, bu energetika sferasında görünür. Söhbət İran qazının
Gürcüstana ehtimal edilən çatdırmasından gedir”, - o söyləyib.
“2019-cu ilə gedərkən Türkiyə Afrin əməliyyatı ilə
kifayətlənməyərək yeni əməliyyatlar keçirəcək. Bunun açdığı siyasi
meydan isə Türkiyənin güclənməsini təmin edəcək”.
Bunu “2019-cu ilə doğru Türkiyə” adlı tədbirdə Türkiyənin Siyasət,
İqtisadiyyat və Cəmiyyət Araşdırmaları Fondunun (SETA) rəhbəri
Burhanəddin Duran deyib.
O, Türkiyənin bundan sonra Yaxın Şərqdəki proseslərdə daha fəal
olacağını ifadə edib. Ekspert hesab edir ki, qarşıdakı 1,5 illik
kritik dövr Türkiyənin gələcək 50 ilini şəkilləndirəcək.
Türkiyə ABŞ və Rusiyanın bu planını POZDU – Yeni müharibələrin ANONSU və 2019-cu il...
Suriyanın Afrin bölgəsində “Zeytun budağı”
hərəkatının Türkiyənin lehinə tamamlanması Suriya, İraq, Türkiyə və
İranda konfederatif idarəçilik sistemini qurmağı qarşısına hədəf
qoyan PKK-nın çətin bir dövrə başlamasına səbəb
olacaq. Hazırkı hərbi və siyasi mənzərə terror
təşkilatını bitirə bilər.
Nəşr qeyd edir ki, PKK-nın və onun lideri Abdullah Öcalanın
həmişə xüsusi əhəmiyyət verdiyi və təxminən 40 illik planlarına
daxil edilən Afrini bütün itkilərə baxmayaraq, əldə saxlamaq
istəməsini aşağıdakı şəkildə izah etmək mümkündür.
Türk Ordusu Afrində terrorçuların 40 illik arzusunu MƏHV ETDİ - 5 ÖLÜMCÜL MƏQAM
Türkiyə Silahlı Qüvvələri və Azad Suriya Ordusuna
(ASO) Suriyanın Afrin bölgəsində məğlub olan YPG terror təşkilatı
partizan savaşı ilə cavab verməyə hazırlaşır. Bu
haqda Böyük Britaniyanın “Qardiyan” nəşrinin Yaxın Şərq üzrə
müxbiri Martin Çulov iddia edib.
Afrinin şəhər mərkəzinin 48 saatdan qısa müddətdə ələ
keçirilməsinə diqqət çəkilən xəbərdə qeyd edilir ki, şəhərin
uzunmüddətli və çətin mühasirədən sonra alına biləcəyi barədə
proqnozlar da özünü doğrultmadı.
Terror təşkilatının müdafiə üçün Rusiyadan kömək istədiyi, ancaq
bu istəyin rədd olunduğu xatırlanır: "Rusiya və ABŞ daha əvvəllər
fərqli səbəblərlə YPG-ni dəstəkləsələr də, ancaq daha sonra Ankara
ilə əlaqələri qorumaq məqsədi ilə qarşıdurmadan kənarda qalmağı
seçdilər. Rusiya və Türkiyə Suriya üzərindən özləri üçün yeni bir
meydan açdılar, Ankara və Vaşinqton arasında isə YPG problemi davam
edir”.
Rusiya Mərkəzi Seçki Komissiyası martın 18-də
keçirilən prezident seçkilərinin nəticələrini
açıqlayıb.
Rusiyada prezident seçkiləri: Bülletenlərin 99 faizi hesablandı, Putin 76,65 faiz səslə irəlidədir - YENİLƏNİR
“Daxili çağırış yeni prezident müddətində onun
işinin prioritet istiqaməti olacaq”. Bunu Rusiya
prezidenti Vladimir Putin bildirib.
Onun sözlərinə görə, əsas vəzifə Rusiya iqtisadiyyatının
artmasını təmin etmək və ona innovasiya xarakteri verməkdir. Dövlət
başçısı qeyd edib ki, ölkənin müdafiə qabiliyyəti və
təhlükəsizliyin təminatı da diqqətdən kənarda qalmayacaq.
Daha əvvəl prezidentin mətbuat katibi Dmitri Peskov qeyd edib
ki, Putində ölkənin “aydın və ardıcıl” inkişaf planı var.
Martın 18-də keçirilən prezident seçkiləri Rusiyada
son ola bilər. Bunu prezidentliyə namizədlərdən olan
Rusiyanın Liberal Demokrat Partiyasının lideri Vladimir Jirinovski
bildirib.
Partiya sədri prezident seçkilərinin ləğvini
proqnozlaşdırıb.
Jirinovskidən gündəmi dəyişdirəcək PROQNOZ: 6 il sonra...
Polşa hakimiyyəti Rusiyanın Baş Kəşfiyyat İdarəsinin
(QRU) sabiq polkovnikı Sergey Skripalın zəhərlənməsi işi üzrə
Rusiya diplomatlarını deportasiya edə bilər. Bu haqda
Polşa hökumətinin dəftərxanasının başçısı Mixal Dvorçik “Zet”
radiostansiyasının efirində bildirib.
O həmçinin əlavə edib ki, yaxın vaxtlarda Avropa İttifaqı və
NATO ölkələrinin bir hissəsi Böyük Britaniyada baş vermiş hadisəyə
ümumi reaksiya verəcəklər.
Rusiya diplomatları bu ölkədən də qovulacaq – QALMAQAL
Böyük Britaniya Rusiyada prezident seçkilərində
Vladimir Putinin qələbəsində öz rolunu oynadı. Bu
haqda Vladimir Putinin seçki qərargahının mətbuat katibi Andrey
Kondraşova istinadən “The Times” nəşri bildirib.
Onun sözlərinə görə, “Skripal işi” ilə əlaqədar Londonun
Moskvaya qarşı addımları rusiyalılar arasında hiddət doğurdu və
Putinə gözləniləndən daha yüksək dəstəyi təmin etdi. Vladimir
Putinin seçki qərargahının mətbuat katibi həmçinin qeyd edib ki,
əsassız ittihamlar Rusiya xalqını “güc mərkəzi”nin ətrafında
birləşdirdi.
“Güc mərkəzi, sözsüz ki, bu gün Putindir. Britaniyaya təşəkkür
edirik ki, seçkilərə belə fəallığı təmin etdi. Bunu özümüz belə
arzulamırdıq”, - Kondraşov deyib.
Qeyd edək ki, Rusiyada martın 18-də president seçkiləri
keçirilib. 65 yaşlı Vladimir Putin ilkin məlumatlara görə, 76
faizdən çox səs toplayıb. Seçici fəallığı isə 60 faizdən yuxarı
olub.
Böyük Britaniyanın Avropa İttifaqından çıxışından
sonra keçid dövrü 21 ay təşkil edəcək. Bu haqda
Britaniyanın “Breksit” məsələləri üzrə naziri Devid Devislə Avropa
Komissiyasının “Breksit” danışıqları üzrə xüsusi nümayəndəsi Mişel
Barnyenin birgə mətbuat konfransında bildirilib. Keçid dövrü
2020-ci ilin dekabrında başa çatacaq.
Bu dövrdə Böyük Britaniya Avropa İttifaqında vahid bazarın üzvü
olaraq bütün hüquqlardan istifadə edə biləcək, amma qurumda
qərarların qəbul olunması prosesində iştirak edə bilməyəcək. Daha
əvvəl tərəflər razılaşıb ki, London 2020-ci ilin sonuna kimi Avropa
İttifaqının büdcəsinə ödəmələri etməyə davam edəcək. Tərəflərin
hələlik razılığa gələ bilmədiyi tək məsələ İrlandiyanın sərhədləri
ilə bağlıdır.
Bu ayın əvvəlində Böyük Britaniyanın baş naziri Tereza Mey
Avropa İttifaqının açıqladığı “Breksit”ə dair saziş layihəsinə
münasibət bildirib.
Avropa İttifaqı və Böyük Britaniya RAZILAŞDI
ABŞ-ın kəşfiyyat idarələri Şimali Koreya ilə
informasiyanın ötürülməsi mümkün olan qeyri-rəsmi əlaqəni
qurublar. Bu haqda anonim Amerika məmurlarına
istinadən “CBS News” telekanalı bildirib.
Telekanalın həmsöhbətləri bildiriblər ki, bu istiqamətdə əsas
səyləri Mərkəzi Kəşfiyyat İdarəsi (MKİ) göstərir. Telekanal qeyd
edir ki, bu yaxınlarda dövlət katibi postuna irəli çəkilən MKİ-nin
direktoru Mayk Pompeo da məxfi kanallar üzrə aparılan “sakit
diplomatiya”nı dəstəkləyir.
Daha əvvəl yayılan məlumata görə, ABŞ prezidenti Donald Tramp
Şimali Koreya lideri Kim Çen Inla görüşməyə razılaşıb.
Görüşün2018-ci ilin mayın sonuna kimi keçirləcəyi gözlənilir.
Ömər Dağlı
Xəbərin orijinal ünvanı: http://publika.az/news/nida_tehlil/234863.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)