Müğənni Sevda Əliqızı ilə yollarını ayıran xalq artisti Səməd Səmədov yeni duet ortağı Şəbnəb Aslanqızı ilə fəaliyyətə start verib. Lent.az-a açıqlama verən S.Səmədov bildirib ki, o, yaxın günlərdə Ş.Aslanqızı ilə yeni mahnı yazdıracaq: “Şəbnəm gənc və istedadlı olması ilə yanaşı çox tərbiyəlidir. Onunla birgə həyata keçirəcəyimiz layihələr hələ qarşıdadır. Artıq toylara gedirik. Yeni mahnı da yazdırırıq. Hər zaman mənim ifa etdiyim mahnılar, duetlər sevilib. Şəbnəmlə də oxuyacağım mahnılar bəyəniləcək”.
Qeyd edək ki, S.Səmədov 15 illik duet ortağı Sevdə Əliqızı ilə ayrılmasına səbəb kimi onun qocalmasını göstərmişdi. Müğənninin yeni duet ortağı olan Ş.Aslanqızının isə 29 yaşı var.
