Dağıdıcı planın DETALLARI, Qarabağda inqilab XƏBƏRDARLIĞI… - GÜNÜN SİYASİ XÜLASƏSİ

Paylaş

Ermənilərin milli kimliyi ilə bağlı zaman-zaman maraqlı informasiyalar yayılır. Növbəti maraqlı məlumatı Beynəlxalq Əsilsiz Erməni İddiaları ilə Mübarizə Dərnəyinin (ASİMDER) rəhbəri Göksel Gülbey yayıb. G.Gülbey ermənilərin ulu babalarının türklər olduğunu deyib.

Ermənilər türkdür? - Yəhudilər onların kökü ilə bağlı SENSASİYALI SİRLƏRİ AÇDI - FOTO

Fəratın qərbində işimiz tamamlandı, şərqində də eynisi olacaq. Bu sözləri Türkiyənin Baş naziri Binəli Yıldırım deyib.

“Bunun başqa yolu yoxdur. Heç bir zaman terrorla üz-üzə yaşaya bilmərik. Buna icazə vermərik. Arxasında Amerika da olsa, fərq etməz. Məsələ məmləkət məsələsi olanda geri qalanlar təfərrüatdır. Bizim şüarımız budur. İndi Menbiç məsələsində təkidlərimizin nəticəsində bir nöqtəyə gələ bilmişik və geri addım atmayanlar yavaş-yavaş “bu işi oturub danışaq” deyirlər”, - baş nazir bildirib.

ABŞ Prezidenti Donald Tramp fevral ayında Suriyada, Deyrizorda ABŞ ordusunun təşkil etdiyi silahlı hücumun gizli məqamlarını açıb.

Tramp ABŞ-ın 300 rus əsgərini öldürdüyünü ETİRAF ETDİ

“ABŞ Suriyaya zərbələr endirməklə hər gün beynəlxalq hüququn normalarını tapdalayır. Dünyanın istənilən ölkəsi belə hücumun obyekti ola bilər”. Bunu Suriya prezidenti lideri Bəşər Əsəd “Russian Today” telekanalına müsahibəsində deyib.

“Bu zərbələr üçün hüquqi əsaslar varmı? Onların təyyarələri burada niyə uçur? Reallıqda terrorçuları dəstəkləyən “terrorçuluğa qarşı koalisiya”nın hərəkətləri üçün hüquqi əsaslar varmı? Yoxdur”, - o bildirib.

Prezident qeyd edib ki, ABŞ və onların Qərbdəki marionetkaları beynəlxalq hüququn normalarına riayət etmir və buna görə də gələcəkdə Suriyaya mümkün zərbələrin təkrarlanmayacağına dair zəmanətlər yoxdur.

Suriya prezidenti bildirib ki, ABŞ Suriya ərazisindən getməlidir.

Əsəddən ABŞ-a MESAJ: “Bu, gec-tez baş verməlidir”

İsrailin Baş naziri Benyamin Netanyahu 2011-ci ildə İranla müharibəyə başlamaq barədə orduya göstəriş verib. Bu sözləri yerli televiziyalardan birində çıxışı zamanı MOSSAD-ın rəhbəri Tamir Pardo deyib.

Pardonun sözlərinə görə, Netanyahu 15 gün ərzində müharibəyə başlamaq üçün ordu rəhbərliyinə əmr verib. Netanyahunun müharibə əmrinin təlim xarakteri daşımadığını bildirən Pardo baş nazirin bu qərarı ABŞ-a İranla bağlı təzyiq göstərmək üçün verildiyini qeyd edib.

MOSSAD-ın keçmiş rəhbəri müharibə ilə bağlı əmrdən sonra istefa vermək barədə düşündüyünü də qeyd edib.

Xatırladaq ki, İsrailin keçmiş baş naziri və 2011-ci ildəki Netanyahu hökumətinin müdafiə naziri Ehud Barak ölkəsinin 2010-2011-ci illərdə İranı bombalamaq istədiyini açıqlamışdı.

Vaşinqton və Moskva arasında artan gərginlik tezliklə başqa ölkələrlə ABŞ-ın münasibətlərinə ciddi təsiri göstərə bilər. Amerika qanunvericiləri bütün dünyada Kremlin hərəkətlərindən ehtiyat edərək, “Sanksiyalar vasitəsilə Amerikanın rəqibləri ilə mübarizə haqqında qanun” (CAATSA) çərçivəsində müdafiə və energetika sferalarında Moskvayla əməkdaşlıq edən ölkələrə qarşı ikinci sanksiyaları tətbiq edir. Sanksiyaların qüvvəyə minməsi bütün əlaqədar tərəflər üçün uzağa gedən nəticələrə gətirib çıxaracaq.

Bu haqda ABŞ-ın tez-tez “MKİ-nin kölgəsi” adlandırılan “Stratfor” kəşfiyyat-analitik şirkətinin materialında deyilir.

Dünya silah mafiyası ilə ÜZ-ÜZƏ – Amerika kəşfiyyatı dağıdıcı PLANIN DETALLARINI AÇDI

“Moskva Vaşinqtonla gərginliyin zəifləməsinə ümid edirsə, Birləşdirilmiş Ştatların daxili işlərinə müdaxiləsinə son qoymalıdır”. Bu haqda Rusiya Xarici İşlər Nazirliyinin başçısı Sergey Lavrovla telefon söhbəti zamanı ABŞ-ın dövlət katibi Mayk Pompeo bildirib.

“Amerika Moskva ilə münasibətləri yaxşılaşdırmaq istəyir. Ancaq Moskva bunun üçün Vaşinqtonda narahatlıq yaradan məsələlərin həlli üzrə konkret addımların atılmasına hazır olduğunu nümayiş etdirməlidir. Rusiya Birləşmiş Ştatların daxili işlərinə öz müdaxiləsini dayandırmalıdır”, - Dövlət Departamentinin başçısı deyib.

Məlumata görə, Pompeo telefon söhbətinin gedişatında həmçinin Suriya və Ukraynadakı hadisələrdə Rusiyanın iştirakına toxunub.

Xatırladaq ki, daha əvvəl ABŞ-ın BMT-dəki daimi nümayəndəsi Nikki Heyli Moskvanı Ukrayna münaqişəsində iştirakına görə tənqid etmiş və Rusiyanı Krım üzərində nəzarəti Kiyevə qaytarmağa çağırmışdı.

ABŞ prezidenti Donald Trampla Şimali Koreya lideri Kim Çen Inın görüşü ərəfəsində Koreya Xalq Demokratik Respublikasının (KXDR) hakimiyyəti Birləşmiş Ştatlardan sanksiyaların ləğvini və iki ölkə arasında diplomatik münasibətlərin qurulmasından tələb edib. Bu haqda mənbəyə istinadən Cənubi Koreyanın “Chosun Ilbo” qəzeti bildirib.

Mənbənin sözlərinə görə, əgər bu tələblər yerinə yetirilərsə, Pxenyanın nüvə silahına sahib olmasına ehtiyac qalmayacaq.

Daha əvvəl KİV bildirirdi ki, Birləşmiş Ştatlar KXDR barəsində yeni sanksiyaların tətbiqini qeyri-müəyyən vaxta kimi təxirə salınması haqda qərar qəbul edib.

Rusiyanın Xarici İşlər Nazirliyinin başçısı Sergey Lavrov Pxenyanda Koreya Xalq Demokratik Respublikasının (KXDR) bacısı Kim Çen Inla görüşüb. Bu haqda Rusiya xarici siyasət idarəsinin tvitter səhifəsində bildirilir.

Rusiyalı nazir daha əvvəl bildirib ki, KXDR-ə qarşı tətbiq olunan sanksiyalar tam ləğv olunmadan ölkənin nüvə problemini həll etmək mümkün deyil.

Bu gün həmçinin Kim Çen Inın sağ qolu olan general Kim Çen Çxol ABŞ-a gedib. O, 18 ildən sonra ABŞ torpaqlarına gedən ilk ali səviyyəli Şimali Koreya məmuru olub.

Ukrayna prezidenti Pyotr Poroşenko ölkənin cənubi-şərqində münaqişənin güc yolu ilə həll variantını rədd edib. Poroşenko həmçinin Kiyevin kapitulyasiyanı rədd etdiyini bildirib.

“Mən sülhə gedən yolda iki sonuncu addımı rədd edirəm: milyonlarla insanın həyatına son qoyacaq hərbi hücum və kapitulyasiya”,- o dəqiqləşdirib.

Ömər Dağlı