İrəvanı silkələyən döyüş TAKTİKASI, bir neçə saatlıq MÜHARİBƏ... – HƏFTƏNİN SİYASİ XÜLASƏSİ

Müdafiə Nazirliyi Günnüt kəndinin erməni işğalından azad edilməsinə dair video yayıb. Müdafiə naziri Naxçıvanda çox uğurlu əməliyyatın keçirildiyini deyib. Erməni hərbi birləşmələri cəbhədə yeni istehkamlar tikirlər. Rusiyanın xarici işlər naziri Sergey Lavrov Dağlıq Qarabağ münaqişəsinin həllindən danışıb. Türkiyə Silahlı Qüvvələri Qəndilə yekun hücum ərəfəsində PKK-nın sonuncu dayaq nöqtəsi hesab olunan Hakurka daxil olub. Rəsmi Tehran qarşıdakı günlərdə Qərblə imzalanan nüvə sazişini tərk edə biləcəyini açıqlayıb. ABŞ BMT-nin İnsan Haqları Şurasından çıxıb. ABŞ prezidenti Donald Tramp Rusiya ilə münasibətləri yenidən qaydaya salmaq arzusunu ifadə edib. Rusiya keçmiş Sovet İttifaqı ölkələrində ABŞ-ın tibbi-bioloji fəallığından narahat olduğunu açıqlayıb.

Azərbaycan, Dağlıq Qarabağ

Müdafiə Nazirliyi Naxçıvan Muxtar Respublikası Şərur rayonunun Günnüt kəndinin erməni işğalından azad edilməsinə dair video yayıb.

Ordumuz Günnütü belə azad etdi - Nazirlik VİDEO YAYDI

Düşmən bizə qarşı çox güclü informasiya mübarizəsi aparır. Lakin onlar bunda da bizə uduzurlar. Bunu müdafiə naziri, general-polkovnik Zakir Həsənov deyib.

"Biz hər vasitə ilə düşməni məğlub etməyə çalışırıq. Hamınız gördünüz ki, Ali Baş Komandan, cənab İlham Əliyev Ermənistan prezidentini heç bir silahdan istifadə etmədən diplomatiya ilə məhv etdi, Sərkisyan hakimiyyətini bitirdi.

Bu gün biz hamımız düşmənlə mübarizə aparmalıyıq. Erməni xüsusi xidmət orqanları sosial şəbəkələr vasitəsi ilə bizdə inamsızlıq yaratmağa çalışır. Hörmətli media nümayəndələri belə provokasiyalara getməməlidir.

Müdafiə naziri Naxçıvanda çox uğurlu əməliyyatın keçirildiyini deyib. O qeyd edib ki, neytral torpaq anlayışı yoxdur: "Sahibsiz torpaq yoxdur. Ora bizim torpaqlarımızdır. Ordumuzun uğurlu əməliyyatı nəticəsində 11 min hektar ərazi işğaldan azad edildi. Bildirmək istəyirəm ki, Laçına gedən yola artıq ordumuz nəzarət edir.

“Dağlıq Qarabağ problemi beynəlxalq qanunvericiliyin norma və prinsipləri çərçivəsində təcili həll olunmalıdır”. Bu, Avropa İttifaqının rəsmi saytında dərc olunan Ermənistan-Avropa İttifaqımünasibətləri haqqında sənəddə qeyd olunur.

“Həll edilməmiş Dağlıq Qarabağ münaqişəsi regionda sabitlik və tərəqqiyə mane olur. Avropa İttifaqı hesab edir ki, münaqişə təcili şəkildə siyasi yolla həllini tapmalıdır. 2003-cü ildən etibarən Avropa İttifaqının xüsusi nümayəndəsi qurumla region ölkələri arasında dialoqun təşviqinə çalışır. Avropa İttifaqı, o cümlədən, Cənubi Qafqaz üzrə xüsusi nümayəndə vasitəsi ilə ATƏT-in Minsk Qrupunun həmsədrlərinin münaqişənin sülh yolu ilə nizamlanmasına yönəlmiş səylərini dəstəkləyir və tamamlayır”, - deyə sənəddə əlavə edilib.

Rusiya əlindən gələn hər şeyi edir ki, Dağlıq Qarabağ konfliktinin həllinə konstruktiv töhfə verə bilsin. Bunu jurnalistlərə açıqlamasında Rusiya Xarici İşlər Nazirliyinin rəsmi nümayəndəsi Mariya Zaxarova deyib. Onun sözlərinə görə, Rusiya tam olaraq ATƏT-in Minsk Qrupunun üzvü kimi öz roluna sadiqdir. O, Qarabağ məsələsinin Rusiya üçün ciddi məsələ olduğunu deyib.

Azərbaycanın Ermənistan tərəfindən işğal edilmiş Dağlıq Qarabağ bölgəsində yaradılan qondarma rejimin “prezidentinin” “müşaviri” Tiqran Abramyan müharibə qorxularını açıqlayıb. T.Abramyan Azərbaycan Ordusunun təmas xəttində yeni istehkamlar inşa etdiyini, cəbhəni möhkəmləndirdiyini iddia edib.

“Son bir həftədə Azərbaycan Ordusu aktiv şəkildə yerdəyişmə edir və hərbi texnikanı gücləndirir. Aktiv mühəndislik işləri aparılır. Həmçinin, xüsusi təyinatlı qüvvələrin aktivliyi müşahidə olunur”, - deyə T. Abramyan iddia edib.

Qeyd edək ki, Ermənistan tərəfi Ordumuzun işğal altındakı Günnüt kəndini azad etməsindən sonra qorxuya düşüb.

Azərbaycan Hərbi Hava Qüvvələrinə verilən ABŞ istehsalı Bell-412 helikopterlərinin iyunun 26-da Bakıda keçiriləcək hərbi paradda nümayiş etdiriləcəyi barədə xəbər Ermənistanda şok effekti yaratdı. Ermənistanda hesab edirlər ki, İrəvan sözügedən helikopterlərin hansı yolla Azərbaycanın əlinə keçməsini araşdırmalıdır.

“Sputnik” agentliyinin erməni xidmətinə danışan politoloq Suren Sarkisyanın fikrincə, Amerika helikopterlərinin Azərbaycana satışı məsələsi Ermənistan və Amerika hökumətləri tərəfindən dəqiq araşdırmanın predmeti olmalıdır.

Ordumuzun paradda nümayiş etdirəcəyi bu ABŞ hərbi texnikası Ermənistanı QORXUYA SALDI - FOTO

“Panorama.am” saytının əməkdaşının sualını cavablandıran Ermənistanın Müdafiə Nazirliyini mətbuat katibi Artsrun Ovannisyanın sözlərinə görə, nazirlik Bell-412 helikopterlərinin Azərbaycanın silahlanmasına daxil olması haqqında məlumatları öyrənəcək.

“Müdafiə Nazirliyi məcbur deyil ki, konkret nəyəsə təşəbbüs etsin. Biz xəbəri gördük, öyrənək, sonra baxacağıq”, - o bildirib.

Ermənistan Dağlıq Qarabağda yeni müharibəyə hazırlaşır. Erməni hərbi birləşmələri cəbhədə yeni istehkamlar tikirlər.

Məlumata görə, Ağdam, Füzuli və Tərtər istiqamətində yeni səngərlər qazılır. Erməni ekspertlər bunun yeni müharibəyə hazırlıq olduğunu vurğulayıblar. Xüsusilə İrəvan Dağlıq Qarabağ danışıqlarında yaranmış pauzanın cəbhədə yeni toqquşmlara gətirib çıxaracağından narahatdır.

Rusiyanın erməniyönümlü “Regnum” agentliyi də yazır ki, “Azərbaycan danışıqlarda yaranmış pauzaya dözməyəcək və ərazilərin azad edilməsi istiqamətində hərəkətə keçəcək”.

Qeyd edək ki, ordumuzun Naxçıvan istiqamətində 11 min kilometr ərazini işğaldan azad etməsindən sonra Ermənistanın müharibə qorxusu daha da artıb.

Ermənistan

Ermənistanın baş naziri Nikol Paşinyan feysbuk səhifəsində Rusiya istehsalı olan Su-30SM çoxfunksiyalı döyüş təyyarəsinin kabinəsində fotosunu paylaşdı. Bundan sonra Paşinyanın Su-30SM təyyarəsinə haradan mindiyi haqda müzakirələr başlandı. Ehtimallara görə, bu foto Rusiyanın Ermənistandakı “Erebuni” bazasında çəkilmiş ola bilər. Lakin daha çox Ermənistanın bu təyyarəni Rusiyadan aldığına dair ehtimallar önə çəkildi.

Ermənistan Müdafiə Nazirliyindəki mənbə “Regnum” agentliyinə Rusiya ilə Su-30SM təyyarələrinin alınması ilə bağlı danışıqlar aparıldığı haqda məlumat verib. Yaxın dövrdə Rusiyanın bu təyyarələri Ermənistana verə biləcəyi gözlənilir.

Paşinyan Rusiyadan aldığı yeni nəsil təyyarələrlə Azərbaycana hücuma hazırlaşır - SENSASİYA

Ermənistanın Rusiyadan Su-30SM döyüş təyyarələrinin almağa hazırlaşması ilə bağlı müqavilənin detalları ortaya çıxıb. Rusiyanın “Kommersant” nəşri Su-30SM-lərin Ermənistana verilməsi ilə bağlı müqavilənin Serj Sarkisyan hakimiyyəti dövründə bağlandığını yazıb.

“Müqavilə 2012-ci ildə imzalanıb. Müqaviləyə əsasən Su-30SM-lər 2024-cü ilə qədər Ermənistanın hərbi hava qüvvələrinə veriləcəkdi. Lakin maliyyə çətinliklərinə görə sifariş təxirə salındı. Rusiya müqaviləni Ermənistanın yeni hakimiyyəti ilə davam etdirmək niyyətindədir”, - deyə nəşr yazıb.

Ermənistanı yerlə-yeksan edəcək müasir QIRICILAR Azərbaycana VERİLİR - DETALLAR - VİDEO

İrəvan məhkəməsi çərşənbə axşamı qanunsuz silah saxlamaq və başqasının əmlakını mənimsəməkdə ittiham olunan Ermənistan müdafiə nazirinin keçmiş müavini, parlamentin deputatı Manvel Qriqoryanı həbs edib. O, iki ay müddətinə həbs olunub.

Qriqoryan şənbə günü Milli Təhlükəsizlik Xidməti (MTX) tərəfindən saxlanılıb.

MTX-nın mətbuat xidmətinin məlumatına görə, Qriqoryana məxsus binalarda aparılan axtarışlar zamanı on minlərlə patron, qumbara, partlayıcı maddə və atıcı silahlarla yanaşı, onlarla retro və müasir avtomobillərin olduğu maşın parkı, həmçinin üzərində "əsgərlər üçün" yazılmış ərzaq, gigiyena vasitələri, tibbi ləvazimatlar və hərbi forma aşkar edilib.

Ermənistan parlamenti çərşənbə axşamı Qriqoryana qarşı cinayət təqibinə başlamağa icazə verib.

Bir neçə gün əvvəl bağ evində qanunsuz silah və döyüş sursatlarının aşkar edilməsi, həmçinin 2016-cı ilin aprel döyüşlərində erməni əsgərlərinə göndərilmiş yardımı mənimsəməkdə təqsirli bilinərək həbs olunan sabiq müdafiə nazirinin müavini Manvel Qriqoryanla bağlı yeni tükürpədici faktlar ortaya çıxıb. Onun bağ evində axtarışlar zamanı aşkarlanan arxiv fotoları erməni generalın azərbaycanlılarla yanaşı, erməniləri də qul kimi saxladığı və onlara işgəncələr verdiyini müəyyən edib.

Azərbaycanlıları evində qul kimi işlədən erməni generalın DƏHŞƏTLİ ƏMƏLLƏRİ ÜZƏ ÇIXDI - ŞOK VİDEOFAKT

Ermənistanda yeni hakimiyyət hərbi aviasiyanı gücləndirmək istiqamətində fəal işə başlayıb. Dünən müdafiə naziri David Tonoyan və milli təhlükəsizlik şurasının katibi Armen Qriqoryan Müdafiə Nazirliyinin inzibati kompleksində görüşüb.

Erməni nazirlər hərbi aviasiyanın gücləndirilməsi üzrə proqramların hazırlanmasını müzakirə ediblər.

Ermənistanın hərbi aviasiyanı gücləndirməsi müharibə hazırlığı olaraq qiymətləndirilir.

Ordumuzun yeni döyüş taktikası İrəvanı SİLKƏLƏDİ - Düşmən TƏCİLİ TOPLANDI

Ermənistanın müdafiə naziri David Tonoyan iyunun 22-də Ermənistanın şimal-şərq sərhədinə (Azərbaycanın şimali-qərb sərhədinə -red.) baş çəkib. Bu haqda Ermənistan Müdafiə Nazirliyinin mətbuat katibi Artsrun Ovannisyan feysbuk səhifəsində yazıb.

Onun sözlərinə görə, nazir döyüş mövqelərində qoşun bölmələrinin komandanlığı ilə görüşüb və operativ vəziyyətlə tanış olaraq müəyyən təlimatlar verib.

Ermənistanın müdafiə nazirinin Azərbaycanın şimali-qərb sərhədi ilə üzbəüz yerləşən döyüş mövqelərinə baş çəkməsi ötən ay Naxçıvan cəbhəsində baş verənləri xatırlatdı.

Tonoyan səngərdən döyüş əmri verdi - Növbəti hücum bu İSTİQAMƏTDƏ OLACAQ

Ermənistanın baş naziri Nikol Paşinyan 11-12 iyul tarixlərində Brüsseldə NATO-nun sammitində iştirak etməyə hazırlaşır. Bu haqda “Jamanak” qəzetinə Ermənistan hökumətindəki mənbə bildirib.

Kreml Paşinyanın bu addımına qəzəblənəcək – İrəvan Moskvadan imtina edir?

Türkiyə, İran, Yaxın Şərq

İyunun 19-da ABŞ Senatında Müdafiə Nazirliyinin (Pentaqon) “Milli Müdafiə Səlahiyyəti Qanunu” adlı qanun layihəsi qəbul edilib. 2019-cu il büdcəsi üçün 716 milyard dollar ayrılmasını ehtiva edən qanun layihəsi 85 səs çoxluğu ilə senatdan keçib.

ABŞ-dan Türkiyəyə qarşı XAİN ADDIM: qanun Senatdan keçdi, bundan sonra...

“ABŞ Senatının “F-35” təyyarələrinin istehsalı proqramında Türkiyənin iştirakını dayandırmasına alternativsiz qalmayacağıq”. Bunu ölkənin baş naziri Binəli Yıldırım iyunun 19-da ABŞ Senatının 2019-cu il üçün müzakirə edilən müdafiə büdcəsinə münasibət bildirərkən deyib.

“Hadisələr çox uğursuz inkişaf edir. Ancaq Türkiyə alternativsiz qalmayacaq. ABŞ Senatı tərəfindən qəbul edilən qərar təəssüf hissi yaratmaqla yanaşı, həm də strateji tərəfdaşlıqla ziddiyyət təşkil edir”, - deyə Binəli Yıldırım vurğulayıb.

ABŞ Senatının Türkiyəyə “F-35” qırıcılarını bloklayan qanun layihəsini qəbul etməsinə baxmayaraq, iyunun 21-də iki ədəd “F-35” Texas ştatında keçiriləcək bir mərasimlə Türkiyəyə təslim edilib.

Türkiyə Silahlı Qüvvələri Qəndilə yekun hücum ərəfəsində PKK-nın sonuncu dayaq nöqtəsi hesab olunan Hakurka daxil olub. Bununla da Türkiyə hərbçiləri bir gün ərzində Şimali İraqda 4 kilometrə qədər irəliləyib.

Qəndil əməliyyatı davam etdiyi bir vaxtda Türkiyə mətbuatında şok iddia irəli sürülüb. Türkiyənin “Aydınlıq” nəşrinin yazarı Rafet Ballı PKK liderlərindən ikisinin ələ keçirildiyini və yaxın vaxtlarda Abdullah Öcalanın saxlandığı İmralı həbsxanasına gətiriləcəyini iddia edib.

“Münbiçdə ABŞ-la bir işbirliyinə başladıq. Bu, gözəl bir hadisədir. Əks halda, silahlı bir qarşıdurma ola bilərdi”. Bunu ölkənin baş naziri Binəli Yıldırım bildirib.

Bununla belə, baş nazir Türkiyə ictimaiyyətində ABŞ-a olan etibarın 20 faizdən də az olduğunu deyib.

“Bu, qorxunc bir vəziyyətdir. Amma vəziyyəti düzəldəcək tərəf biz deyil, ABŞ-dır”, - o vurğulayıb.

Şimali İraqda PKK terror təşkilatına qarşı həyata keçirilən əməliyyatlara toxunan hökumət başçısı 400 kv. kilometr ərazinin təmizləndiyini söyləyib. O, Şimali İraqda 11 müvəqqəti bazanın qurulduğunu deyib.

İyunun 24-də Türkiyədə növbədənkənar prezident və parlament seçkiləri keçiriləcək. Seçkilərə günlər qala müxtəlif analitik, araşdırma və sosioloji mərkəzlər seçkilərin nəticələri ilə bağlı proqnozlar və mümkün ssenarilər irəli sürürlər. Proqnozlardan biri ABŞ-ın nüfuzlu banklarından olan “JP Morgan” tərəfindən səsləndirilib.

Bankın baş iqtisadçısı Yarkın Cebeciyə görə, keçirilən son rəy sorğuları seçkilərin üç mümkün nəticəsinin ola biləcəyini göstərir.

Qardaş ölkə üçün ÜÇ SSENARİ – Okeanın o tayından qorxunc PROQNOZ

Türkiyədə iyunun 24-də keçiriləcək seçkilər öncəsi Almaniyanın baş kansleri Angela Merkelin lideri olduğu Xristian Demokrat Partiyası (CDU) Ankaranın ünvanına təhdid səsləndirilib. CDU-dan olan Avropa Parlamentinin üzvü Renate Sommer prezident Rəcəb Tayyib Ərdoğanın seçkilərdə qələbə qazanacağı halda, Türkiyənin Avropa İttifaqına üzvlüyünün mümkün olmayacağını bildirib.

“Avropa Parlamenti bu vəziyyətdə üzvlük müzakirələrinə son qoyulmasını tələb edəcək”, - o deyib.

Qeyd edək ki, iyunun 24-də Türkiyədə növbədənkənar prezident və parlament seçkiləri keçiriləcək.

ABŞ və Türkiyə arasında əldə olunan razılaşmaya əsasən, YPG terrorçuları Suriyanın şimalında yerləşən Münbiç bölgəsindən iyulun 4-də çəkilməyə başlayacaq. Bu haqda ölkənin Xarici İşlər Nazirliyinin başçısı Mövlud Çavuşoğlu bildirib.

ABŞ-ın YPG-yə minlərlə TIR silah-sursat verməsinə şərh edən nazir silahları toplayacaq tərəfin ABŞ olduğunu deyib.

Rəsmi Tehran qarşıdakı günlərdə Qərblə imzalanan nüvə sazişini tərk edə biləcəyini açıqlayıb. Bu barədə İran Xarici İşlər nazirinin müavini Abbas Arakçi danışıb.

“Nüvə sazişi hazırda “reanimasiya”dadır. Avropa Birliyinə üzv ölkələrlə bir saziş əldə olunmayacağı halda Tehran sazişi tərk edə bilər”, - nazir müavini bildirib.

Xatırladaq ki, ABŞ Prezidenti Donald Tramp mayın 8-də İranla bağlanan nüvə sazişini tərk etdiyini açıqlamışdı.

İran xarici işlər naziri Məhəmməd Cavad Zərif yerli qəzetlərdən birində dərc etdirdiyi məqaləsində Tehran və Vaşinqton arasında əlaqələrin düzəldilməsi üçün 15 şərt irəli sürüb. Bu şərtlərdən biri ABŞ-ın İsraili nüvə silahlarını məhv etməyə məcbur etməsidir.

Məhəmməd Cavad Zərif qeyd edib ki, ABŞ İsraili bölgə, həmçinin beynəlxalq sülh və təhlükəsizliyə təhdid olan nüvə silahlarını məhv etməyə məcbur etməldir.

İranın xarici siyasət idarəsinin başçısı həmçinin bildirib ki, ABŞ ayrı-seçkilik siyasəti və insan hüquqlarını pozması səbəbiylə İsraili qınamalı, Fələstin xalqının haqqlarını müdafiə etməli, paytaxtı Qüds olan müstəqil Fələstin dövlətinin qurulmasını dəstəkləməlidir.

Bu məqalənin ABŞ-ın dövlət katibi Mayk Pompeo may ayında irəli sürdüyü 12 şərtə cavab olduğu bildirilir.

“İsraili buna məcbur edin!” - İrandan ABŞ-a 15 ŞƏRT

ABŞ-ın başçılıq etdiyi koalisiyanın Suriyada əsas hədəfi Suriya lideri Bəşər Əsədin devrilməsidir. Bu haqda “Russia Today” telekanalına müsahibəsində Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib.

Zaxarovanın sözlərinə görə, bu, onlarda bir sıra səbəblərdən alınmadı və koalisiyaya Suriya hökumətinin qeyri-legitim olduğunu sübut etmək üçün “qanuni hüquqi mexanizmi tapmalıdır”.

Rusiya, ABŞ, Qərb-Rusiya münasibətləri

Vilnüs Moskvanın hücumuna hazır olmalıdır. Bunu Almaniyanın “Der Şpigel” jurnalına müsahibəsində Litva Prezidenti Dalya Qribauskayte deyib.

“Biz müdafiəyə hazır olmasaq, təhlükə böyük olacaq”, - o deyib.

Litva prezidenti: “Rusiya ilə müharibəyə hazır olmalıyıq”

Birləşmiş Ştatlar BMT-nin İnsan Haqları Şurasından çıxıb. Bunu ABŞ-ın BMT-dəki daimi nümayəndəsi Nikki Heyli elan edib.

"ABŞ BMT-nin İnsan Haqları Şurasından rəsmən çıxır", - deyə Heyli Dövlət Departamentində jurnalistlər qarşısında çıxışı zamanı bildirib.

ABŞ prezidenti Donald Tramp ölkənin ordu sisteminin əhəmiyyətli növü kimi kosmik gücləri yaratmaq barədə göstəriş verdi.

“Amerika kosmosda üstün olmalıdır. Bu, çox əhəmiyyətlidir. Buna görə də bu dəqiqə Müdafiə Nazirliyinə ölkə ordusunun altıncı növü kimi kosmik güclərin formalaşmasına gətirib çıxaracaq prosesə başlamaq barədə göstəriş verirəm”, - Tramp Ağ Evdə Milli Kosmik Şurasının üzvlərinin qarşısında çıxışında deyib.

Kosmosda təhlükəsizlik və hökmranlıq mövzusunu ilk dəfə ABŞ-ın 40-cı prezidenti (1981-1989) Ronald Reyqan gündəmə gətirdi.

Dünya dəhşətli müharibəyə doğru - Tramp Reyqanın başlatdığı SAVAŞI YENİLƏDİ

Rusiya XİN-in rəsmi nümayəndəsi Mariya Zaxarova deyib ki, bu, Vaşinqtonun kosmosa silah çıxarmaq niyyətini növbəti dəfə təsdiq edir. Zaxarovanın sözlərinə görə, bu addım bir daha sübut edir ki, ABŞ-ın kosmosda hərbi əməliyyatlar aparmağa istiqamətlənmiş planları var.

Rusiya keçmiş Sovet İttifaqı ölkələrində ABŞ-ın tibbi-bioloji fəallığından narahatdır. Bu haqda Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib.

“Biz həqiqətən postsovet məkanında ABŞ-ın hərbi müəssisəsinin tibbi-bioloji fəallığı ilə narahatıq. Hesab edirik ki, amerikalıların bütün təminatlarına baxmayaraq, bu fəaliyyət keçmiş Sovet İttifaqı respublikalarında yoluxucu xəstəliklərlə mübarizə kimi humanitar hədəflər üçün deyil, əsasən Pentaqonun xeyrinə həyata keçirilir”, - o brifinqdə deyib.

Daha əvvəl vətəndaş cəmiyyətinin inkişafı və insan hüquqları üzrə şuranın iclasında Rusiya prezidenti Vladimir Putin bildirib ki, ABŞ-ın müxtəlif etnosların nümayəndələrindən hansı məqsədlə bioloji materiallar toplaması Rusiya üçün anlaşılmazdır.

Azərbaycan sərhədlərində laboratoriyaların ŞOK HƏDƏFİ – Moskvadan SOS

ABŞ prezidenti Donald Tramp Rusiya ilə münasibətləri yenidən qaydaya salmaq arzusunu ifadə edib. Amerika lideri bu haqda Minnesota ştatında mitinqdə çıxışında bildirdi.

“Biz Rusiya ilə yola getmək istəyirik”, - Tramp vurğulayıb.

Daha əvvəl ABŞ Dövlət Departamentinin rəsmi nümayəndəsi Hezer Nauert nümayəndəsi bildirib ki, ABŞ Rusiya ilə daha möhkəm münasibətlərə malik olmağı üstün tutur. Ağ Evdən isə açıqlayıblar ki, Tramp və Rusiya prezidenti Vladimir Putinin mümkün görüşü üçün Avstriyaya mümkün meydançalardan biri kimi baxılır.

NATO son onillikdə təhlükəsizlik sferasında ən qeyri-müəyyən situasiyalarla üz-üzədir. Bunu Londonda jurnalistlərə açıqlamasında NATO Baş katibi Yens Stoltenberq deyib.

“Biz təhlükəsizlik sahəsində ən qeyri-müəyyən situasiyalarla üz-üzəyik. Bunlar sırasına beynəlxalq terrorizm, kütləvi qırğın silahının yayılması, kiberhücumlar və öz qonşularına qarşı güc tətbiq edən daha təcavüzkar Rusiya aiddir. Biz Krım və Solsberi hadisələrindən sonra olduğu kimi, vahid qalmalı, həmrəyliyimizi gücləndirməliyik”, – deyə o bildirib.

O, ABŞ-la NATO üzvləri arasında fikir ayrılığı olduğunu da etiraf edib:

“Bəli, ABŞ-la digər müttəfiqlər arasında ticarət, iqlim dəyişikliyi və İranla nüvə razılaşması məsələsində fikir ayrılığı var. Avropanın özündə də AB-nin gələcəyi, dəyərlər və populizm məsələlərində fikir ayrılıqları mövcuddur. NATO-nun daimi olaraq qalacağı ehkam deyil, amma əminəm ki, biz onu qoruyub saxlayacağıq”.

Koreya böhranı

“Ümid edirəm ki, yaxın vaxtlarda Şimali Koreya tərəfindən Koreya Xalq Demokratik Respublikasının lideri Kim Çen Inla Amerika prezidenti Donald Tramp arasında əldə olunan razılaşmanən icrası ilə bağlı konkret addımları görəcəyik. Amma şəxsən mən konkret addımların olacağına əmin deyiləm”. Bunu “Qazeta.ru”ya müsahibəsində Brukinqs İnstitutunun aparıcı elmi işçisi, ABŞ-ın keçmiş prezidenti Bill Klintonun xüsusi köməkçisi Stiven Payfer deyib.

“Mənim əsas narahatlığım Pxenyanın ölkənin denuklearizasiyası üzrə konkret addımlara təşəbbüs edib-etməyəcəyi ilə bağlıdır. Amma hesab edirəm ki, hər halda Sinqapurda keçirilən görüşün bir çox müsbət tərəfi var. Ən azından qısamüddətli perspektivdə münaqişənin baş vermə riskinin azaldığını qeyd etmək olar. Əgər Şimali Koreya göstərilmiş istiqamətdə addımlar atmasa, Tramp belə nəticəyə gələcək ki, Koreya üzərinə götürdüyü öhdəlikləri yerinə yetirmir. Trampın buna necə reaksiya verəcəyi isə sual altınadır”, - prezidentin keçmiş köməkçisi söyləyib.

Onun sözlərinə görə, Şimali Koreyanı başa salmaq lazımdır ki, nüvə döyüş sursatının Cənubi Koreya və Yaponiya ərazisində partlayışı halında ABŞ Kim Çen In rejimini bir neçə saat ərzində məhv edəcək.

ABŞ prezidenti Donald Tramp iyunun 22-də Koreya Xalq Demokratik Respublikasına (KXDR) qarşı tətbiq edilən sanksiyanı daha bir il müddətinə uzadıb. Sanksiyalar KXDR-in nüvə və raket proqramına, o cümlədən çirkli pulların yuyulması, kiber-hücumlar, insan hüquqlarının pozulmasına qarşı yönəlib.

Ukrayna

İyunun 21-də Ukrayna Prezidenti Pyotr Poroşenko ilə Rusiya Prezidenti Vladimir Putin arasında telefon danışığı olub. Bu barədə məlumatı Ukrayna prezidentinin mətbuat xidməti yayıb. Prezidentlər əsirlər məsələsini müzakirə ediblər.

Poroşenko Putini Rusiya həbsxanaları və işğal edilmiş Ukrayna ərazilərində saxlanılan əsirləri azad etməyə çağırıb.

“Ukrayna mənzili Moskva və Sankt-Peterburqa qədər çatan reketlər istehsal etməlidir. Düşünürəm ki, belə silahın birinci nümunələrini almaq üçün 1-2 il kifayətdir”. Bunu Ukrayna Silahlı qüvvələrinin Baş qərargahının sabiq rəis müavini, ehtiyatda olan general-leytenant İqor Romanenko “Obozrevatel” nəşrinə müsahibəsində bildirib.

Bir ilə Moskvanı vurmaq mümkün olacaq – Generaldan ŞOK İDDİA

“Əgər ABŞ prezidenti Donald Trampın özündən asılı olarsa, o, Krımın Rusiyaya birləşməsini tanıya bilər”. Bunu “Rossiya 1” telekanalın efirində Atlantik Şurasının aparıcı eksperti Ariel Koen bildirib.

Trampın bu qərarı dünyanı ŞOKA SALACAQ

“Avropa Ukraynaya dözməkdə bezib. O, Kiyevi qulpsuz çamadan kimi atacaq”. Bu haqda Rusiyanın Liberal Demokrat Partiyasının lideri Vladimir Jirinovski bildirib.

Jirinovski: “Ukraynanın çox hissəsi Rusiyaya keçəcək”

Ömər Dağlı