Bakı, 23 aprel, Səxavət Quliyev, AZƏRTAC
“Bakı-2015” ilk Avropa Oyunlarının keçirildiyi günlərdə azarkeşlərin və qonaqların idman arenalarına və mehmanxanalara rahat getmələri üçün xüsusi məntəqələr yaradılacaq.
AZƏRTAC xəbər verir ki, bu sözləri “Bakı-2015” Əməliyyat Komitəsinin nəqliyyat departamentinin rəhbəri Panos Protopsaltis deyib.
O bildirib ki, bu məntəqələr metronun “Gənclik”, “20 Yanvar”, “Koroğlu”, “Elmlər Akademiyası”, “28 May” və “Nizami” stansiyalarının yaxınlığına quraşdırılacaq. Azarkeşlər və qonaqlar həmin məntəqələrdə “Ekspres” avtobusların xidmətindən yararlanacaqlar. Yüksək səviyyəli xidmət göstərəcək avtobuslar yarış günlərində “Bakı-2015” üçün nəzərdə tutulan marşrut üzrə hərəkət edəcək.