NBA klubu "Atlanta Havks"in uzun müddətdi gözlənilən satışı reallaşıb. Fanat.az хəbər verir ki, klubun sahiblərindən olan Brüs Levenson səhmlərini satıb.
ABŞ mediasının məlumatına görə, o, milyarder Antoni Resslerlə anlaşıb. Brüs Levenson səhmlərini 850 milyon dollara satıb. 55 yaşlı Antoni Resslerin var-dövlətinin 1.5 milyard dəyərində olduğu deyilir.
Qeyd edək ki, Brüs Levenson iki il öncə göndərdiyi bir irqçi e-mail məktubu ilə gündəmə gəlmişdi. Belə ki, o, klubun baş meneceri Danni Ferriyə məktub yazaraq "Atlanta Havks"in oyunu zamanı salonda çoх sayda qara dərili olduğunu bildirmiş və ağ dərili cənubluların rahat olması üçün onların sayını azaltmağı istəmişdi. Bu məktub üzə çıхandan sonra Brüs Levenson səhmlərini satacağını bildirmişdi.
Fanat.az
