Bakı, 24 aprel, AZƏRTAC
Skripkaçı, həmvətənimiz Səbinə Rakçeyeva Londonun “St Mary`s Ealing” kilsəsinin konsert zalında mayın 16-da təşkil olunacaq gecədə çıxış edəcək.
AZƏRTAC xəbər verir ki, Səbinə Rakçeyeva səhnəyə “Deco Ensemble” kollektivi ilə birgə çıxacaq.
“Deco Ensemble” yaradıcılıq fəaliyyətində “nuevo tanqo” janrına xüsusi önəm verir. S.Rakçeyeva ansamblda Bartoş Qlovaki (akkordeon), Rikardo Qosalbo (piano), Robert Luft (elektrogitar), Yelena Mariqomes (kontrabas) ilə birgə çıxış edir.
