Bu gün Neonatologiya üzrə Azərbaycan-Türkiyə 2-ci intensiv Təlim Kursu keçirilir.
Tədbirin informasiya dəstəkçilərindən "Uptodate İn Medicine" şirkətinin əməkdaşı Mərziyyə Məmmədova Metbuat.az-a bildirib ki, kursun məqsədi Türk Neonatoloji və Türk Pediatrik Dərnəyi ilə sıx əməkdaşlıq nəticəsində neonatalogiya sahəsində ən aktual məsələlərin müzakirəsidir.
O bildirib ki, 1-ci Beynəlxalq Neonatologiya kursu iyun ayında keçirilib: "Ənənəvi olaraq neonatoloji kursları ildə 2-3 dəfə təşkil etməyi düşünürük.
Təlim kursu 3 gün davam edəcək. Təlimə 100-dən artıq neonatoloq, pediatr qatılıb. Mərziyyə Məmmədova bildirib ki, təlim zamanı master-klass nəzərdə tutulub: "Xüsusi ventilyasiya aparatları gətirilib. Mini stansiya qurulacaq və həkimlər üçün süni reanimasiya yaradılmaqla praktik təcrübələr göstəriləcək.
Aysel Yaqubqızı / METBUAT.AZ
