Paşinyandan ETİRAF, Qarabağda toqquşmaların TARİXİ... – GÜNÜN SİYASİ XÜLASƏSİ
Paylaş
101 baxış·4 dəq oxu
Ermənistanda Rusiya səfirliyinin qarşısında
keçirilmiş etiraz aksiyaları daimi xarakteri daşıyacaq.Suriya üzrə Astana formatının zamin ölkələrinin növbəti sammiti
2019-cu ilin əvvəlində Rusiyada keçiriləcək.Suriyanın
Silahlı Qüvvələrinin Münbiç şəhərinə girməsi barədə informasiya
yayıldı.Avropa İttifaqı Rusiyaya qarşı sanksiyaların
uzadılması haqqında qərarı dərc edib.
Ermənistanda Rusiya səfirliyinin qarşısında
keçirilmiş etiraz aksiyaları daimi xarakteri daşıyacaq və ola bilər
ki, Gümrüdəki 102-ci Rusiya bazasının çıxarılmasının
təşəbbüskarları yaxın vaxtlarda aksiya keçirəcəklər.
Bu haqda Ermənistan Avropa Partiyasının həmsədri Tiqran Xzmalyan
deyib.
Ermənistanın Rusiyadan ŞOK TƏLƏBİ: Naxçıvana…
Ermənistanda baş nazir vəzifəsini icra edən Nikol
Paşinyan dünən Moskvada Rusiya prezidenti Vladimir Putinlə
görüşünün nəticələri haqqında danışıb.
Paşinyan ETİRAF ETDİ: “Putinlə razılaşa bilmədik” - Ermənistan üçün ÇƏTİN GÜNLƏR BAŞLAYIR
Rusiya prezidenti Vladimir Putin Ermənistanın sabiq
prezidenti Robert Koçaryanı Yeni il və Milad bayramı münasibətilə
təbrik edib. Bu haqda sabiq prezidentin
dəftərxanasından bildiriblər.
Rusiya lideri Koçaryanı bayramlar münasibətilə təbrik edərək,
ona sağlamlıq və möhkəmlik arzulayıb.
Xatırladaq ki, Robert Koçaryan hazırda həbsxanadadır. O,
konstitusiya quruluşunu dəyirşdirmək cəhdində ittiham olunur.
Putin dünən isə Moskvada Ermənistanın baş nazir vəzifələrini
icra edən Nikol Paşinyanla görüşüb. Koçaryanın bu görüşdən dərhal
sonra təbrik edilməsi isə görüşün Paşinyanın istədiyi kimi
keçmədiyi qənaəti yaradır.
ABŞ prezidenti Donald Tramın Suriyadan çəkilmə
qərarından sonra istefa verən Suriya üzrə koalisiyada ABŞ-ın xüsusi
nümayəndəsi Brett Makqerkin boşluğunu “Yaxın Şərqin muzdlu qatili”
adlandırılan Məhəmməd Dahlan dolduracaq. Dahlan PKK
terror təşkilatı və Suriya lideri Bəşər Əsədin nümayəndələri ilə
Dubay, Qahirə və Amman şəhərlərində gizli görüşlər keçirib.
Üç ölkədən Türkiyəyə qarşı döyüşçülər toplanır: onu “MÜZDLU QATİL” ƏVƏZLƏYİR
Suriya üzrə Astana formatının zamin ölkələrinin
növbəti sammiti 2019-cu ilin əvvəlində Rusiyada
keçiriləcək. Bu haqda Rusiyanın Xarici İşlər
Nazirliyinin başçının müavini Mixail Boqdanov jurnalistlərə
bildirib.
“İndi zamin ölkələrin, yəni Türkiyə, İran və Rusiyanın
prezidentləri – Rəcəb Tayyib Ərdoğan, Həsən Ruhani və Vladimir
Putinin növbəti sammitini qəbul etmək bizim növbəmizdir. Sammit
təxminən ilin birinci həftəsində keçirilməlidir. Bu, prezidentlərin
iş qrafikindən asılıdır”, - Boqdanov deyib.
Xatırladaq ki, dekabrın 25-də Türkiyə prezidenti Rəcəb Tayyib
Ərdoğan yaxın günlərdə Moskvaya səfər etmək və Rusiya prezidenti
Vladimir Putinlə görüşmək niyyətində olduğunu bildirmişdi.
Suriyanın Silahlı Qüvvələri onları Türkiyədən
qorumaq barədə PKK terror təşkilatının xahişinə cavab olaraq Münbiç
şəhərinə girib. Bu haqda Baş qərargahın bəyanatına
istinadən “Röyters” agentliyi bildirib.
Hərbçilər Türkiyə sərhədinin 25 kilometrliyində yerləşən
Münbiçin üzərində Suriya bayrağını qaldırıblar.
PKK/YPG Münbiçi Əsədə təhvil verdi (YENİLƏNDİ)
Türkiyə Prezidenti Rəcəb Tayyib Ərdoğan Suriyanın
Silahlı Qüvvələrinin PKK terror təşkilatının əlində olan Münbiç
şəhərinə girməsi xəbərini şərh edib. Ərdoğan
Suriyanın Münbiçlə bağlı psixoloji bir hərəkət planının olduğunu
deyib.
Ərdoğandan Münbiç AÇIQLAMASI: Putinlə…
Rusiyanın Xarici İşlər naziri Sergey Lavrov
Türkiyənin Suriyada planlaşdırdığı əməliyyat barədə açıqlama
verib.
“Türkiyənin həyata keçirəcəyi əməliyyata Suriyanın ərazi
bütövlüyünün yenidən bərpa olunması baxımından yanaşırıq”, - Lavrov
bildirib.
ABŞ gərək Yaxın Şərqi tərk etsin. Bunu
İranın Ali dini liderinin hərbi məsələlər üzrə baş köməkçisi Yəhya
Rəhim Səfəvi deyib.
“ABŞ Qərbi Asiyada hərbi kampaniya başlayaraq, səhvə yol verdi.
ABŞ gərək Qərbi Asiyanı tərk etsin. Bu region bizə məxsusdur”, –
deyə o bildirib.
O, həmçinin İran, Çin, Rusiya və Hindistanı Şərqdə meydana gələn
yeni dünya gücləri adlandırıb. Səfəvi müasir İran-islam
mədəniyyətinin Amerika liberalizminə qarşı olduğunu deyib.
ABŞ prezidenti Donald Trampın Suriyanın yenidən
abadlaşdırılması üçün lazım olan vəsaiti Səudiyyə Ərəbistanının
ödəyəcəyi açıqlamasına qarşı tərəfdən cavab gəlib.
Səudiyyə Ərəbistanının Vaşinqtondakı səfirliyinin rəsmisi ölkəsinin
belə bir söz vermədiyini açıqlayıb.
Mövzu ilə bağlı Amerikanın CNBC kanalına danışan səfirlik
rəsmisi ölkəsinin avqust ayından bəri bu mövzuda hər hansı
razılaşmaya getmədiyini deyib.
Avropa İttifaqı Rusiyaya qarşı sanksiyaların
uzadılması haqqında qərarı dərc edib. İqtisadi
sanksiyaların yarım il müddətinə uzadılması haqqında qərar Avropa
İttifaqının rəsmi jurnalında dərc edilib. Qeyd edilir ki, qərar 31
iyul 2019-cu il tarixinə kimi qüvvədə qalacaq.
Rusiyalı politoloq, Milli Strategiya İnstitutunun
rəhbəri Mixail Remizov 2019-cu ildə Rusiya üçün əsas riskləri
açıqlayıb. Remizov gələn il Rusiyanın sərhədləri
yaxınlığında Qərblə qarşıdurma aparacağını proqnozlaşdırır.
Onun fikrincə, Rusiya üçün başlıca risk Qərblə aparılan iqtisadi
müharibə olacaq.
Gələn il Qarabağda toqquşmalar başlayır və Bakı... - Rus politoloq HƏR ŞEYİ AÇDI