“Report” Venesuelanın “Tenemos Noticias” portalına istinadən xəbər verir ki, general Kolumbiya silahlı qüvvələri və güc qurumlarının rəhbərləri ilə iki ölkə arasındakı əməkdaşlığı gücləndirmək, o cümlədən regiondakı təhdidlərə qarşı tədbirlər görmək məsələlərini müzakirə edəcək.
Xatırladaq ki, bu səfər qonşu Venesueladakı siyasi böhranın kəskinləşməsilə üst-üstə düşüb. Həmçinin elə bu günlərdə internetdə ABŞ Prezidentinin milli təhlükəsizlik üzrə müşaviri Con Boltonun Venesueladakı vəziyyətə həsr olunan brifinqdə çəkilən bir şəkili yayılıb. Şəkildə C.Boltonun cib dəftərçəsindəki “Kolumbiyaya 5 min hərbçi” qeydi aydın görünür.
