Argentina Cənubi Amerika Millətlər İttifaqını tərk edib

Argentina Cənubi Amerika Millətlər İttifaqını tərk edib
07:15 13 Aprel 2019
75 Dünya
Ölkə mətbuatı
A- A+

Bakı. Trend:

Argentina Cənubi Amerika Millətlər İttifaqının (UNASUR) tərkibindən çıxıb.

Trend-in "TASS"a istinadən verdiyi məlumata görə, ölkənin UNASUR-dan çıxmasına səbəb onun gündəliyi ilə razılaşmaması və ittifaqın daxilindəki böhran olub.

Argentinanın Xarici İşlər Nazirliyindən bildiriblər ki, ölkə bu gün UNASUR-un təsis edilməsi haqqında razılaşmanı ləğv edir.

XİN-nin sözlərinə görə, UNASUR-dan çıxmağa səbəb ittifaqın yaradıldığı vaxt qarşısına qoyulan məqsədlərdən uzaq olan gündəliyi olub. Bundan əlavə Argentina hakimiyyəti bildirib ki, təşkilat böhran keçirir, iki ildir birliyin baş katibi yoxdur.

Xatırladaq ki, UNASUR-dan daha əvvəl Kolumbiya, Ekvador, Paraqvay və Peru çıxıblar. Braziliya və Çili üzvlüklərini dayandırıblar. Cənubi Amerika dövlətlərinin regional siyasi və iqtisadi birliyi kimi 2008-ci ildə yaradılan UNASUR-un tərkibində Boliviya, Venesuela, Uruqvay, Surinam və Qayana qalır.

Mart ayında Argentina, Braziliya, Kolumbiya, Paraqvay, Peru, Çili və Ekvador prezidentləri yeni regional blokun - Cənubi Amerikanın inkişafı üçün Forumun (PROSUR) yaradılması barədə saziş imzalayıblar.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/other/world/3045884.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR