Aktrisa Pərvin Abıyeva təsadüfən sevgilisinin onun rəfiqəsi ilə gizli münasibətini aşkara çıxarıb. Aktrisa uzun müddət bu faktı hamıdan gizlətsə də, verilişlərin birində bu haqda danışmağa qərar verib. Onun bu açıqlaması böyük səs-küyə səbəb olub.
Milli.Az bildirir ki, Sputnik Azərbaycan-a açıqlamasında P.Abıyeva sevgidə və dostluqda oxu hər dəfə daşa dəyir deyib. Aktrisa səbəbi özünün səmimi olması, zəif tərəflərini sevdiyi şəxs və dostları ilə bölüşməsində görür. Məhz bundan sonra hər şey ona qarşı çevrilir: "Mən tamamilə təsadüfən ən yaxın rəfiqəmin sevdiyim oğlanla görüşdüyünü öyrəndim. Onlar hətta birlikdə otelə də gediblər. O hələ də mənim məsələdən agah olduğumu bilmir. Bu hadisədən sonra rəfiqəmlə ünsiyyətimi kəsdim və onu "qara siyahı"ya saldım. Sevgilimlə isə ayrıldıq. Mən xəyanəti bağışlamıram.
Qeyd edək ki, Pərvin Abıyeva "Qarabağnamə", "İkinci bahar", "Həyat varsa", "Gecə qonağı" və s. film və seriallarda rol alıb.
Milli.Az
