İranda "Boeing-737" təyyarə qəzası nəticəsində həlak olmuş kapitanın həyat yoldaşı Yekaterina Qaponenko faciədən öncə ürəyinə daman fikirlər haqqında danışıb.
Təyyarə kapitanının həyat yoldaşı "Stranı" nəşrinə verdiyi müsahibədə təyyarənin qəzaya uğrayacağını əvvəlcədən hiss etdiyini bildirib.
Milli.Az oxu.az-a istinadən bildirir ki, qadın övladının bir neçə gün öncə baş verəcək faciə haqqında qızının yuxu gördüyünə xüsusi diqqət çəkib:
"Kiçik qızım qəzadan bir gün öncə yuxuda atasının öldürüldüyünü görüb. Maraqlıdır ki, evdə olan saatın da əqrəbləri öz-özünə dayanıb. Həyat yoldaşım bir müddət əvvəl 50 illik yubileyini qeyd etmişdi və ona hədiyyə edilən saatın ölümündən öncə işləməməsini pis əlamət kimi qiymətləndirmişdik".
Milli.Az
