Livanın paytaxtı Beyrutda hökumət əleyhinə etiraz aksiyaları davam edir.
Metbuat.az xarici KİV-ə istinadən xəbər verir ki, 5 mindən çox vətəndaşın iştirak etdiyi aksiyalar zamanı polislə etirazçılar arasında qarşıdurma yaşanıb.
Son məlumatlara görə, nümayişçilər ölkə parlamentinin və Xarici İşlər Nazirliyinin binasına daxil olublar. XİN-in inzibati binası qərargah elan edilib.
Etirazçı kütlənin əsas tələbi hökumətin istefası və növbədənkənar parlament seçkilərinin keçirilməsindən ibarətdir.
