Xarkovda əsir götürülən rus əsgərlər müharibəyə aldadılaraq zorla göndərildiklərini bildiriblər.
Bu barədə Metbuat.az Ukrayna mediasına istinadən xəbər verir.
“Təlimlərə getmişdik, amma bizi bir az aldatdılar. İndi mən burada əsirlikdəyəm” saxlanılanlardan biri deyib.
Daha bir rus hərbçisi isə əvvəlkinin sözlərini təsdiqləyərək, döyüşə göndərildiklərini, lakin özlərinin bundan xəbərsiz olduqlarını qeyd edib.
“Əvvəlcə deyirdilər ki, təlimlərə gedirik. Nəticədə bizi cəbhəyə atdılar, ancaq heç kim müharibəyə getmək istəmir. Bizə deyirdilər ki, getməsək, xalq düşməni olacağıq. Müharibə vaxtı olduğu üçün ümumiyyətlə, güllələnə bilərik”.
