"Azərbaycan Hava Yolları" QSC (AZAL) 2022-ci ilin yay cədvəli çərçivəsində iyunun 17-dən Bakıdan Çexiyanın paytaxtı Praqaya reysləri bərpa edib.
Bu barədə Metbuat.az-a AZAL-ın mətbuat xidmətindən məlumat verilib.
Məlumata görə, uçuşlar həftədə iki dəfə – bazar ertəsi və cümə günləri həyata keçiriləcək. Aviabiletləri aviaşirkətin rəsmi saytında, həmçinin aviadaşıyıcının akkreditə olunmuş agentliklərində rəsmiləşdirmək mümkün olacaq.
Sözügedən reyslərə yalnız qeyd olunan daşıma şərtlərinə cavab verən və COVID-19 pandemiyası səbəbindən tətbiq edilən məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.
Çexiyaya səfər etməyi planlaşdıran bütün sərnişinlərə uçuşdan əvvəl bu ölkə ərazisinə giriş zamanı tətbiq olunan qayda və məhdudiyyətlərlə tanış olmaları tövsiyə olunur. Müvafiq məlumat aviaşirkətin saytında dərc olunub: .
Azərbaycana giriş qaydaları haqqında məlumatla burada tanış olmaq mümkündür: .
