“Qalatasaray”da prezident seçkisi ilə bağlı yeni qərar qəbul olunub.
Metbuat.az xəbər verir ki, Asliye Hüquq Məhkəməsi klubun etirazından sonra ləğv edilən seçkinin keçirilməsini qərara alıb. “Sarı-qırmızılılar”ın konqresində baş tutacaq seçki ilə bağlı ehtiyat tədbiri qərarı qüvvədən düşüb. Bu isə o deməkdir ki, İstanbul təmsilçisi öncədən planlaşdırıldığı kimi, aprelin 30-da yeni prezidentini müəyyən edə biləcək. Qeyd edək ki, hazırda “Qalatasaray”a Burak Elmas rəhbərlik edir.
