Xətai rayonu ərazisində yerləşən supermarketlərdən birində baş vermiş silahlı insidentlə bağlı hazırda Baş Prokurorluğun İstintaq idarəsi, Kriminalistika şöbəsi və Xətai rayon prokurorluğunun əməkdaşları hadisə yerindədilər.
Bu barədə Metbuat.az-a Baş Prokurorluqdan məlumat verilib.
Bildirilib ki, qeyd olunan faktla bağlı prokurorluqda araşdırma aparılır.
"İctimaiyyətə əlavə məlumatın verilməsi təmin ediləcəkdir" - məlumatda vurğulanıb.
12:53
Paytaxtın Xətai rayonunda baş verən hadisə ilə bağlı əməliyyat qrupu hadisə yerinə cəlb edilib.
Metbuat.az xəbər verir ki, bu barədə DİN-in mətbuat xidmətindən bildirilib.
Qeyd edilib ki, hadisə barəsində araşdırma aparılır: "Əməli törətməkdə şübhəli bilinən şəxsin, yaxud şəxslərin tutulması istiqamətində tədbirlər görülür. Əlavə məlumat veriləcəkdir".
12:49
Bakıda supermarketlərin birində atışma olub.
Metbuat.az APA-ya istinadən xəbər verir ki, hadisə Xətai rayonu "Nargilə kafesi" adlanan əraziyə yaxın olan "Bravo" Əhmədli Hipermarketində qeydə alınıb.
Hazırda hadisə yerinə hüquq-mühafizə orqanın əməkdaşları cəlb edilib.
