Hazırda Ermənistanda 200-dən çox aksiyaçının saxlandığı bildirilir.
Metbuat.az xəbər verir ki, bu barədə Ermənistan “Hayastan” fraksiyasının deputatı İşxan Saqatelyan sosial şəbəkədəki paylaşımında yazıb. O qeyd edib ki, polisin zorakılığına baxmayaraq, paytaxtda və bölgələrdə itaətsizlik aksiyaları davam edir.
10:34
Ermənistanda baş tutan itaətsizlik aksiyasında 142 nəfər saxlanılıb.
Metbuat.az xəbər verir ki, bu barədə Ermənistan hüquq-mühafizə orqanları məlumat yayıb.
09:28
Xəbər verdiyimiz kimi, Ermənistanda kütləvi aksiyalar başlayıb.
Metbuat.az xəbər verir ki, aksiyaçılar saat 08:00-dan 11:00-dək İrəvanda itaətsizlik aksiyası keçirir.
"Sputnik Ermənistan"ın məlumatına görə, artıq 53 nəfəri ı saxlayıb.
09:07
Ermənistanda Nikol Paşinyan hakimiyyətinə qarşı kütləvi aksiyalar başlayıb.
Metbuat.az xəbər verir ki, bu gün səhər saat 8:00-dan 11:00-a kimi paytaxt İrəvanda geniş itaətsizlik aksiyalarının keçiriləcək.
Erməni KİV-i bildirir ki, artıq mərkəzə gedən bir çox yollar bağlanıb, avtobusların hərəkəti dayandırılıb.
Aksiyalar çərçivəsində həbslərin olduğu bildirilir.
