2024-cü ildə dövlət büdcəsindən kənd təsərrüfatına ümumilikdə 1 milyard 109 milyon 893 min 587 manat vəsait ayrılması nəzərdə tutulur.
Metbuat.az xəbər verir ki, bu barədə “Azərbaycan Respublikasının 2024-cü il dövlət büdcəsi haqqında” Qanun layihəsində bildirilib.
Belə ki, bu vəsaitdən kənd təsərrüfatı tədbirləri 546 milyon 216 min 731 manat, baytarlığa 48 milyon 458 min 232 manat, meliorasiyaya 507 milyon 133 min 624 manat, kənd təsərrüfatı üzrə digər müəssisə və tədbirlərə isə 8 milyon 85 min manat vəsait ayrılması nəzərə tutulub.
