Azərbaycanın sərbəst güləşçisi Giorgi Meşvildişvili "Paris-2024" Yay Olimpiya Oyunlarında yarımfinal görüşünə çıxıb.
Metbuat.az xəbər verir ki, 125 kiloqram çəki dərəcəsində mübarizə aparan idmançı finala gedən yolda gürcüstanlı Geno Petriaşvili ilə qarşılaşıb.
Rəqibinə 0:7 hesabı ilə uduzan güləşçimiz sabah bürünc medal uğrunda görüşdə qüvvəsini sınayacaq.
Bu gün mübarizəyə qoşulan digər sərbəst güləşçimiz Turan Bayramov (74 kiloqram) isə ilk görüşündə albaniyalı Çermen Vəliyevə uduzub. Rəqib finala çıxa bilmədiyi üçün idmançımız mübarizəni dayandırıb.
Hazırda Azərbaycanın aktivində 5 medal var. Cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar, taekvondoçu Qaşım Maqomedov gümüş, yunan-Roma güləşçisi Həsrət Cəfərov (67 kiloqram) bürünc medala sahib çıxıblar. Boksçu Alfonso Dominqes (92 kiloqram) isə finala vəsiqə qazanmaqla ən azı gümüş mükafatı təmin edib.
