"Qalatasarının" ən məşhur transferlərindən olan Viktor Osimhen üçün növbəti dəfə "Çelsi" iddiası ortaya atılıb.
Metbuat.az türk mediasına istinadən bidirir ki, "sarı-qırmızılar"ın icarə əsasında heyətinə qatdığı Osimhen üçün London klubu hərəkətə keçib. "Çelsi" ara transfer dövründə Viktor Osimheni transfer haqqı ilə heyətinə qatmaq istəyir.
İngiltərə komandasının Osimhen üçün "Qalatasaray"a 6 milyon avro ödəməyə hazır olduğu deyilir. "Sarı-qırmızılar" mövsümü nigeriyalı hücumçu ilə başa vurmaq istəyir, baş məşqçi Okan Burukun planları Osimhen və İkardini birlikdə oynatmaqdır.
"Qalatasaray"ın "Çaykur Rizəspor"u qəbul etdiyi matçda Viktor Osimhen ilk 11-də başlayıb və 90 dəqiqə meydanda qalıb.
