UEFA Çempionlar Liqasının ilk matçında "Santyaqo Bernabeu"da "Ştutqart"ı 2:1 hesabı ilə məğlub edən "Real Madrid" liqaya qayıdır.
Metbuat.az xəbər verir ki, “Real” növbəti turda “Espanyol”u qəbul edəcək. “Defensa Central” “Espanyol” matçı öncəsi Arda Gülerlə bağlı xəbər yayıb. “Real Madrid” azarkeşləri türk futbolçunun əsas heyətdə daha çox yer almasını irəli sürüb. Məlumata görə, Karlo Ançelotti və köməkçisi olan oğlu David Ancelotti arasında Arda Güler barədə müzakirə aparılıb.
Tərəflər Ardanın “Santiaqo Bernabeuda” keçiriləcək hər iki matçdan birində ilk 11-də başlamasına qərar verib. Məşqçilər korpusu hesab edir ki, gərgin keçən bəzi matçlarda rotasiya etmək lazımdır.
