Bakıda keçiriləcək ilk Avropa Oyunlarının badminton yarışlarında iştirak edəcək İspaniya millisi bu gün paytaxtımıza gəlir.
ANS PRESS-in məlumatına görə, 4 idmançı ilə təmsil olunacaq ispanlar iyunun 22-də start götürəcək badminton yarışlarında iştirak edəcəklər.
Kişilərin şəxsi yarışında bu ölkəni Pablo Abian təmsil edəcək. Üçqat İspaniya çempionu olan 30 yaşlı idmançı 2008-ci il Pekin və 2012-ci il London olimpiadalarının iştirakçısı olub.
Qadınların şəxsi yarışında isə İspaniyanı 17 yaşlı Klara Azurmendi təmsil edəcək. O, İspaniya badmintonunun perspektivli idmançısıdır.
Qadınlar arasında cütlüklərin yarışında isə İspaniyadan Haide Oxeda - Laura Molina cütlüyü mübarizə aparacaq.