"Bakıda keçirilən I Avropa Oyunları zamanı Ermənistanı təmsil edən idmançılara yerli ictimaiyyət tərəfindən təzyiqlər göstərilib". ANS TV-nin məlumatına görə, bu xəbəri Ermənistan mətbuatı yayıb. Guya erməni idmançılarının mübarizəsi zamanı onlar təkcə öz rəqiblərinə qarşı yox, həm də bütün tribunalara qarşı mübarizə aparmalı olurdular. Xəbərdə, hətta o da vurğulanıb ki, güləşçi Roman Amoyanın çıxışı zamanı zədə alması tamaşaçılarla yanaşı mətbuat tərəfindən də rəğbətlə qarşılanıb.
Oyunların açılış mərasimində və sonrakı günlər ərzində Azərbaycan haqqında yüksək fikirlər söyləyən ermənilər niyə 180 dərəcə əksinə döndülər? Bakıda qarşılanmalarından tutmuş yerləşmələrinə qədər onlara göstərilən münasibətdən razı qalıb ağız dolusu danışan erməni idmançıların yeni uydurmalarına səbəb olan nədir? Hətta bəzi erməni ekspertlər idda edib ki, Ermənistan Bakıda keçirilən Avropa Oyunlarına qatılmamalıydı.
Avropa Oyunlarını Bakının növbəti piar kampaniyası adlandıran Ermənistan tərəfi, yarış zamanı idmançılarının uğursuz nəticə göstərmələrini onlara göstərilən münsabitlə əlaqələndirirlər. Ermənistan nümayəndə heyətinin başçılarından biri olan Karen Qaloyan deyib ki, belə çətin şəraitdə biz yaxşı nəticələr göstərə bilərik.
Maraqlıdır indi bunları bəhanə gətirən Karen bir necə gün öncə erməni radiolarından birinə verdiyi müsahibədə oyunların yaxşı getdiyini və erməni nümayəndə heyətinin təhlükəsizlik səviyyəsindən razı olduğunu demişdi. Hətta bütün bunlar azmış kimi nədənsə, güləş döşəyində Belarus və Gürcü idmançılarının dalaşmasının günahını Bakıda görən Ermənistan açılış günü tamaşaçıların onlara uğultu ilə qarşıladıqlarına da diqqət çəkiblər.
Maraqlıdır ki, Azərbaycan torpaqlarını işğal edən, günahsız insanları kütləvi qıran, ev-eşiyindən didərgin salan Ermənistan başqa nə cür qarşılanmanı arzulayırdı.
