Bakı. Vüsal Nəbiyev - APA-Economics. Rusiya iqtisadiyyatında artım tempi 2015-ci ilin IV rübündə bərpa olunacaq.
"APA-Economics"in RİA "Novosti"yə istinadən verdiyi məlumata görə, bu barədə Rusiyanın iqtisadi inkişaf naziri Aleksey Ulyukayev açıqlama verib.
İqtisadi inkişaf nazirliyinin hesablamalarına görə, 2015-ci ilin 5 ayı ərzində ÜDM 3,2% enib.
"Düşünürəm ki, bu ilin II rübündə ÜDM təxminən 3,5-4% aşağı düşəcək və bu, III rübdə də davam edəcək", - deyə A. Ulyukayev bildirib.
Nazirin sözlərinə görə, iqtisadiyyatın durğunluğu üç rüb davam edəcək. "IV rübün əvvəlində artım baş verəcək. Növbəti ilin II rübündən başlayaraq, ÜDM-də 2% artıma nail olacağıq”, - deyə nazir bildirib.