Bakı. 7 avqust. REPORT.AZ/ Çexiyanın şərqindəki kömür mədənində baş verən partlayış nəticəsində üç nəfər ölüb, daha iki nəfər isə xəsarət alıb. Bu barədə "Report" RİA "Novosti"yə istinadən xəbər verir.
Partlayış Cümə axşamı paytaxt Praqadan 300 kilometr aralıda yerləşən Karvina şəhəri yaxınlığındakı "Darkov" kömür mədənində baş verib.
Partlayış nəticəsində 32, 38 və 39 yaşlarında üç nəfər mədən işçisinin həlak olduğu bildirilir.
Hal-hazırda partlayışın başvermə səbəbləri araşdırılır.
