Bakı. Cavid Zeynallı – APA. Dənizdə batmaq təhlükəsi ilə üzləşən üç nəfər xilas edilib. APA-nın Fövqəladə Hallar Nazirliyinin (FHN) saytına istinadən verdiyi məlumata görə, nazirliyin Dövlət Sularda Xilasetmə Xidmətinə daxil olmuş məlumata əsasən, Bakı şəhəri, Sabunçu rayonunda 2 nəfər dənizdə çimərkən batmaq təhlükəsi ilə üzləşib. Fövqəladə Hallar Nazirliyinin dalğıc-xilasediciləri tərəfindən 2 nəfər xilas edilib.
Xidmətə daxil olan məlumata görə, Xəzər rayonunda 1 nəfər dənizdə çimərkən batmaq təhlükəsi ilə üzləşib. Nazirliyinin dalğıc-xilasediciləri tərəfindən batmaq təhlükəsi ilə üzləşən şəxsin həyatı xilas edilib.