“Qəbələ” futbol klubu 2014/2015-ci il mövsümünün qış fasiləsində ilk transferini gerçəkləşdirib. Lent.az-ın məlumatına görə, “Qəbələ” heyətini Rəşad Sadiqov ilə gücləndirib. Mövsümün ilk yarısını “Xəzər-Lənkəran”da keçirən 31 yaşlı yarımmüdafiəçi yeni klubu ilə 6 aylıq müqavilə imzalayıb.
R.Sadiqov karyerası ərzində “Bakı fəhləsi”, “Qarabağ”, “Şəfa”, “Neftçi” və MOİK-in də şərəfini qoruyub. Yarımmüdafiəçi Azərbaycan çempionatlarında 305 oyun keçirib və 19 qol vurub.
R.Sadiqov 2006-cı ildə debüt etdiyi Azərbaycan milli komandasında 23 oyun keçirib.