Bakı. 2 noyabr. REPORT.AZ/ Türkiyənin hakim Ədalət və İnkişaf Partiyası (ƏİP) ölkədə keçirilən növbədənkənar parlament seçkilərində 49,36% səs ilə qalib gəlir.
"Report" CNN-ə istinadən xəbər verir ki, partiya təklikdə hökumət formalaşdırmaq imkanı əldə edir.
Sol-mərkəzçi Cumhuriyyət Xalq Partiyası səslərin 25,44%-ni, millətçi Milli Hərəkat Partiyası isə 11,96%-ni toplayıb.
Kürdyönümlü Demokrat Xalq Partiyası 10,65%-lik nəticə əldə edib.
Bu nəticələr səslərin 99,21%-nin hesablanmasından sonra məlum olub.