"Barselona" iki futbolçusu ilə yeni müqavilə imzalamağa hazırlaşır.
Milli.Az apasport.az-a istinadən xəbər verir ki, yarımmüdafiəçi Serxio Buskets və hücumçu Neymar yeni saziş bağlamağa razılıq verib.
Buskets hələ bu ilin fevralında anlaşmasının müddətini 2019-cu ilə qədər uzatmışdı. Rəhbərlik yenidən 27 yaşlı oyunçuya yeni müqavilə təklif edib və müsbət cavab alıb. 2016-cı ildən Busketsin məvacibi də artırılacaq.
Neymar da anlaşmaya görə, hələ 3 il bu kluba məxsus olacaq. Lakin futbolçunun menecerliyini edən atası yeni müqaviləyə hazırlaşdıqlarını söyləyib. Buskets kimi, Neymarın da maaşı artırılacaq.
Hər iki futbolçunun yeni müqaviləsinin neçə illik olacağı hələlik açıqlanmayıb.
Milli.Az