Səməd Vurğun adına Azərbaycan Dövlət Rus Dram Teatrında Pyotr Qladilinin pyesi əsasında hazırlanan "Afina gecələri" tamaşasının premyerası olacaq.
Teatrdan Milli.Az-a verilən məlumata görə, tamaşa 2016-cı il yanvarın 17-də nümayiş etdiriləcək.
Tamaşanın quruluşçu rejissoru, xalq artisti Aleksandr Şarovski, quruluşçu rəssamı, əməkdar mədəniyyət işçisi Aleksandr Fyodorovdur, musiqi tərtibatı əməkdar mədəniyyət işçisi Vladimir Neverova aiddir. Geyim üzrə rəssam Olqa Abbasovadır. Tamaşada əsas rolları Azərbaycanın xalq artisti Səfa Mirzəhəsənov, əməkdar artistlər Yevgeniya Nevmerjitskaya, Nataliya Şarovskaya, aktyorlar Natəvan Hacıyeva və Oleq Əmirbəyov ifa edəcəklər.
Milli.Az
